കവര്ച്ച കേസിലെ പ്രതികള് പോലീസ് പിടിയില്
എരൂര് സ്വദേശികളായ ആട്ടശേരി വീട്ടില് സഞ്ജയ് (24), മാപ്പിളക്കണ്ടത്തു വീട്ടില് രാജേഷ് (23) എന്നിവരെയാണ് എറണാകുളം നോര്ത്ത് പോലിസ് അറസ്റ്റ് ചെയ്തത്.
കൊച്ചി: കവര്ച്ച കേസിലെ പ്രതികള് പോലീസ് പിടിയില്.എരൂര് സ്വദേശികളായ ആട്ടശേരി വീട്ടില് സഞ്ജയ് (24), മാപ്പിളക്കണ്ടത്തു വീട്ടില് രാജേഷ് (23) എന്നിവരെയാണ് എറണാകുളം നോര്ത്ത് പോലിസ് അറസ്റ്റ് ചെയ്തത്.കഴിഞ്ഞ 11 ന് പുലര്ച്ചെ 2 മണിയോടെ ഹോട്ടല് ജോലി കഴിഞ്ഞു താമസിക്കുന്ന ഹോസ്റ്റലിലേക്ക് നടന്നു പോവുകയായിരുന്ന കാസര്കോട് സ്വദേശിയുടെ 20000/ രൂപയോളം വിലവരുന്ന മൊബൈല് ഫോണ് കലൂര് റിസര്വ് ബാങ്കിന് മുന്വശം റോഡില് വെച്ചു ബൈക്കില് വന്ന പ്രതികള് തട്ടിപ്പറിച്ചെടുക്കുകയായിരുന്നു. ബൈക്കിന് പിന്നില് ഇരുന്നയാളുടെ ഷര്ട്ടില് പിടിച്ചു വലിച്ചതിനെ തുടര്ന്ന് ബൈക്കുമായി താഴെ വീണെങ്കിലും പിന്നീട് അവിടെനിന്നും ഓടിച്ചു പോയി.
തുടര്ന്ന് സിസിടിവി ദൃശ്യങ്ങള് പരിശോധിച്ചു നടത്തിയ അന്വഷണത്തില് ബൈക്കിന്റ നമ്പര് പോലീസ് മനസ്സിലാക്കി തുടര്ന്ന് നടത്തിയ അന്വഷണത്തിനൊടുവില് വെണ്ണലയിലെ ലോഡ്ജില് ഒളിവില് കഴിയുകയായിരുന്ന ഇരുവരെയും പോലീസ് കസ്റ്റഡിയില് എടുക്കുകയായിരുന്നു. കവര്ച്ച ചെയ്ത ഫോണില് പിറ്റേന്ന് പ്രതിയുടെ സിം കാര്ഡ് ഇട്ടതും തെളിവായി. ഇവരുടെ ഫോണ് കാള് ഡീറ്റെയില്സ് പരിശോധിച്ചതില് ഇത്തരത്തില് നിരവധി കവര്ച്ചകള് നടത്തിയതായി തെളിഞ്ഞു. ഇവര് കവര്ച്ച നടത്താന് ഉപയോഗിച്ച ബൈക്ക് പോലീസ് കണ്ടെടുത്തു. നോര്ത്ത് സി ഐ സിബി ടോം, എസ് ഐ അനസ, എഎസ് ഐ വിനോദ് കൃഷ്ണ,എഎസ് ഐ ബിജു, സിപിഒ അജിലേഷ് എന്നിവര് ചേര്ന്നാണ് പ്രതികളെ അറസ്റ്റ് ചെയ്തത്.കോടതിയില് ഹാജരാക്കിയ പ്രതികളെ റിമാന്ഡ് ചെയ്തു
RELATED STORIES
കൂച്ച്ബിഹാറില് തിരഞ്ഞെടുപ്പ് ഡ്യൂട്ടിയില് ഉണ്ടായിരുന്ന സിആര്പിഎഫ്...
19 April 2024 6:32 AM GMTകോന്നി ഗവ മെഡിക്കല് കോളജ് അത്യാഹിതവിഭാഗത്തിലേക്ക് കാട്ടുപന്നിക്കുഞ്ഞ് ...
19 April 2024 6:30 AM GMTയു.എന്നില് ഫലസ്തീന് അംഗത്വം; രക്ഷാ സമിതിയുടെ പ്രമേയം വീറ്റോ ചെയ്ത്...
19 April 2024 6:08 AM GMTകാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMTപൂരങ്ങളുടെ പൂരമായ തൃശൂർ പൂരത്തിന് തുടക്കമായി
19 April 2024 5:51 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMT