യുവാവിനെ വെട്ടിക്കൊലപ്പെടുത്താന്‍ ശ്രമം: രണ്ടു പേര്‍ അറസ്റ്റില്‍

കൊച്ചി: പറവൂര്‍ മന്ദം സ്വദേശിയെ മന്ദം മില്ലും പടിയില്‍ വച്ച് നാടന്‍ ബോംബെറിഞ്ഞ് ഭീതി പരത്തി വാളുകൊണ്ട് വെട്ടിക്കൊലപ്പെടുത്താന്‍ ശ്രമിച്ച കേസില്‍ രണ്ടു പേര്‍ അറസ്റ്റില്‍. കെടാമംഗലം സ്വദേശി രാഹുല്‍(കണ്ണന്‍ 26), കളമശേരി സ്വദേശി ഷെഫിന്‍ (25) എന്നിവരെയാണ് പറവൂര്‍ പോലിസ് അറസ്റ്റ് ചെയ്തത്. സംഭവത്തില്‍ നേരിട്ട് പങ്കുള്ളവരാണിവരെന്ന് പോലിസ് പറഞ്ഞു .

ഒക്ടോബര്‍ 24 ന് വൈകിട്ടാണ് സംഭവം നടന്നത്. ശരത് എന്നയാള്‍ക്ക് നേരെയാണ് ആക്രമണം ഉണ്ടായത്. പ്രതികളെ ഒളിവില്‍ കഴിയാന്‍ സഹായിച്ചവര്‍ ഉള്‍പ്പെടെ പതിനൊന്ന് പേര്‍ ഇതോടെ അറസ്റ്റിലായിട്ടുണ്ടെന്നും പോലിസ് പറഞ്ഞു.

ജില്ലാ പോലിസ് മേധാവി കെ കാര്‍ത്തിക്കിന്റെ നേതൃത്വത്തില്‍ മുനമ്പം ഡിവൈഎസ്പി എസ് ബിനു, ഇന്‍സ്‌പെക്ടര്‍മാരായ ജെ എസ് സജീവ് കുമാര്‍, ഷോജോ വര്‍ഗീസ്, എസ്‌ഐമാരായ പ്രശാന്ത് പി നായര്‍ , അരുണ്‍ തോമസ് എഎസ്‌ഐമാരയ ശെല്‍വരാജ്, കണ്ണദാസ് എന്നിവരാണ് പോലിസ് സംഘത്തില്‍ ഉണ്ടായിരുന്നത്.