മൂവാറ്റുപുഴ താലൂക്ക് ആശുപത്രി ജീവനക്കാര്ക്ക് നേരെ ആക്രമണം: നാലു പേര് അറസ്റ്റില്
കല്ലൂര്കാട്, മരുതൂര് സ്വദേശികളായ കാവുംപറമ്പില് ശ്രീജിത്ത് (21), വളനിയില് വീട്ടില് ജോബിന് (22), മഠത്തില്പറമ്പില് അജയ് (18), നാരായണത്ത് പറമ്പില് അനന്തു (22) എന്നിവരെയാണ് ജില്ലാ പോലിസ് മേധാവി കെ കാര്ത്തിക്കിന്റെ നേതൃത്വത്തിലുള്ള പ്രത്യേക അന്വേഷണ സംഘം അറസ്റ്റ് ചെയ്തത്
കൊച്ചി: മൂവാറ്റുപുഴ താലൂക്ക് ആശുപത്രിയിലെ ജീവനക്കാരെ കയ്യേറ്റം ചെയ്യുകയും, ആശുപത്രിയുടെ പ്രവര്ത്തനങ്ങള് തടസപ്പെടുത്തുകയും ചെയ്ത കേസില് നാലു പേര് അറസ്റ്റില്. കല്ലൂര്കാട്, മരുതൂര് സ്വദേശികളായ കാവുംപറമ്പില് ശ്രീജിത്ത് (21), വളനിയില് വീട്ടില് ജോബിന് (22), മഠത്തില്പറമ്പില് അജയ് (18), നാരായണത്ത് പറമ്പില് അനന്തു (22) എന്നിവരെയാണ് ജില്ലാ പോലിസ് മേധാവി കെ കാര്ത്തിക്കിന്റെ നേതൃത്വത്തിലുള്ള പ്രത്യേക അന്വേഷണ സംഘം അറസ്റ്റ് ചെയ്തത്. കഴിഞ്ഞ ഞായറാഴ്ചയാണ് സംഭവം.
ശ്രീജിത്തിന്റെ നേതൃത്വത്തിലെത്തിയ സംഘം ആശുപത്രിയില് ആക്രമണം അഴിച്ചു വിടുകയായിരുന്നു. സംഭവത്തിന് ശേഷം പ്രതികള് ഒളിവില്പോയി. സംഘത്തിലെ ജോബിന് മോഷണ കേസിലെയും, അനന്തു അടിപിടി കേസിലെയും പ്രതിയാണെന്ന് പോലിസ് പറഞ്ഞു.ഡിവൈഎസ്പി മുഹമ്മദ് റിയാസ്, ഇന്സ്പെക്ടര് സി ജെ മാര്ട്ടിന്, എസ്ഐ വി കെ ശശികുമാര്, എഎസ്ഐ മരായ സി എം രാജേഷ്, സുനില് സാമുവല്, സിപിഒ മാരായ ബിബില് മോഹന്, ജീന്സ് കുര്യാക്കോസ് തുടങ്ങിയവരും അന്വേഷണ സംഘത്തില് ഉണ്ടായിരുന്നു. ആരോഗ്യ പ്രവര്ത്തകര്ക്കു നേരെയുണ്ടാവുന്ന അതിക്രമങ്ങള്ക്കെതിരെ ശക്തമായ നടപടി ഉണ്ടാകുമെന്ന് എസ് പി കെ കാര്ത്തിക്ക് പറഞ്ഞു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
