കൊച്ചിയില് ലഹരി മരുന്നുമായി രണ്ടുപേര് പോലിസ് പിടിയില്
എറണാകുളം പച്ചാളം സ്വദേശിയായ ബിനു ജോസഫ്(42), എളമക്കര സ്വദേശി ഇമ്മാനുവല്(24) എന്നിവരെയാണ് പോണേക്കര നേതാജി റോഡ് ഭാഗത്തു നിന്ന് കൊച്ചി സിറ്റി ആന്റി നാര്ക്കോട്ടിക് സ്പെഷ്യല് ആക്ഷന് ഫോഴ്സും, എളമക്കര പോലിസും ചേര്ന്ന് പിടികൂടിയത്
കൊച്ചി: യുവാക്കള്ക്കും വിദ്യാര്ഥികള്ക്കും വില്പ്പനയ്ക്കായി കൊണ്ടുവന്ന സിന്തറ്റിക് വിഭാഗത്തില്പ്പെട്ട മയക്കുമരുന്നുമായി രണ്ടു പേര് പോലിസ് പിടിയില്.എറണാകുളം പച്ചാളം സ്വദേശിയായ ബിനു ജോസഫ്(42), എളമക്കര സ്വദേശി ഇമ്മാനുവല്(24) എന്നിവരെയാണ് പോണേക്കര നേതാജി റോഡ് ഭാഗത്തു നിന്ന് കൊച്ചി സിറ്റി ആന്റി നാര്ക്കോട്ടിക് സ്പെഷ്യല് ആക്ഷന് ഫോഴ്സും, എളമക്കര പോലിസും ചേര്ന്ന് പിടികൂടിയത്.ഇവരില് നിന്നും 20 ഗ്രാം എംഡിഎംഎ, 49 എല്എസ്ഡി സ്റ്റാമ്പ് എന്നിവ കണ്ടെടുത്തതായി പോലിസ് പറഞ്ഞു.
ലഹരി മരുന്നു വില്പ്പനയ്ക്കായി ഇവര് ഉപയോഗിച്ചിരുന്ന കറുത്ത നിറത്തിലുള്ള സ്വിഫ്റ്റ് കാറും പോലിസ് പിടിച്ചെടുത്തു. യുവാക്കള്ക്കും വിദ്യാര്ഥികള്ക്കും പച്ചകുത്തുന്ന (ടാറ്റൂ) ജോലിയുള്ള ഇമ്മാനുവല് ഇതിന്ഴെറ മറവിലാണ് മയക്കുമരുന്ന് വില്പ്പന നടത്തിയിരുന്നതെന്ന് പോലിസ് പറഞ്ഞു. മൊബൈല് ഷോപ്പ് നടത്തുന്ന ബിനുവാണ് മയക്കുമരുന്ന് വാങ്ങുന്നതിനുള്ള പണം കൊടുക്കുന്നതെന്ന് അറിവ് ലഭിച്ചിട്ടുണ്ടെന്നും പോലിസ് പറഞ്ഞു. ഈ പണം ഉപയോഗിച്ച് ഇമ്മാനുവല് ഡാര്ക്ക് വെബ് വഴി മയക്കുമരുന്ന് ഓര്ഡര് ചെയ്ത് ബംഗളുരുവില് നിന്ന് കൊറിയര് വഴിയാണ് എറണാകുളത്ത് എത്തിച്ച് വില്പ്പന നടത്തിയിരുന്നത്.
നഗരത്തിലെ കുപ്രസിദ്ധ ഗുണ്ടകളുമായി ബന്ധമുള്ള പ്രതികള് യുവാക്കള്ക്കും, വിദ്യാര്ഥികള്ക്കുമാണ് മയക്കുമരുന്ന് വില്പ്പന നടത്തിയിരുന്നത്. നഗരത്തില് നടക്കുന്ന റേവ് പാര്ട്ടികളിലും ഇവര് മയക്കുമരുന്ന് എത്തിച്ചു നല്കാറുണ്ട്. നഗരത്തില് വിദ്യാര്ഥികളുടെയും, യുവാക്കളുടെയും ശരീരത്തില് പച്ചകുത്തുന്നത് വ്യാപകമായിട്ടുള്ളതാണ്. ഇതിന്റെ മറവില് മയക്കുമരുന്ന് ഉപയോഗം നടക്കുന്നുണ്ടെന്ന് പോലിസിന് രഹസ്യവിവരം ലഭിച്ചതിന്റെ അടിസ്ഥാനത്തില് നടത്തിയ പരിശോധനയിലാണ് പ്രതികള് പിടിയിലായത്.
കൂടുതല് പ്രതികള് ഇതില് ഉള്പ്പെട്ടിട്ടുണ്ടോയെന്ന് പരിശോധിച്ചു വരികയാണെന്നും പോലിസ് പറഞ്ഞു. മയക്കുമരുന്ന് മാഫിയയെക്കുറിച്ചുള്ള വിവരങ്ങള് 9995966666 എന്ന വാട്ട്സ് ആപ്പ് ഫോര്മാറ്റിലെ യോദ്ധാവ് ആപ്പിലേക്ക് വീഡിയോ, ഓഡിയോ ആയോ നാര്ക്കോട്ടിക് സെല് പോലിസ് അസിസ്റ്റന്റ് കമ്മീഷണറുടെ 9497990065 നമ്പരിലേക്കോ, 9497980430 എന്ന ഡാന്സാഫ് നമ്പരിലേക്കോ അറിയിക്കണമെന്നും അവരുടെ വിവരങ്ങള് രഹസ്യമായിരിക്കുമെന്നും കൊച്ചി സിറ്റി പോലീസ് കമ്മീഷണര് അറിയിച്ചു.
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT