സിഐ, എസ്ഐമാരുടെ അധികാരങ്ങള് മാറ്റുന്നു; യോഗം വിളിച്ച് ഡിജിപി
സിഐമാരുടെ ചുമതല നിലനിര്ത്തിക്കൊണ്ട് തന്നെ പല അധികാരങ്ങളും എസ്ഐമാര്ക്ക് തിരികെ നല്കാനാണ് ആലോചന.
തിരുവനന്തപുരം: സിഐ, എസ്ഐമാരുടെ അധികാരങ്ങള് പുനര്നിശ്ചയിക്കാന് ആലോചന. ഇതിന്റെ ഭാഗമായി സംസ്ഥാനത്തെ സ്റ്റേഷനുകളുടെ ചുമതലയുള്ള മുഴുവന് ഉദ്യോഗസ്ഥരുടെയും യോഗം ഡിജിപി വിളിച്ചു. ഇന്ന് തൃശ്ശൂര് പോലീസ് അക്കാദമിയിലാണ് യോഗം.
അടുത്തിടെയാണ് എസ്ഐമാരില് നിന്ന് സ്റ്റേഷനുകളുടെ ചുമതല സിഐമാര്ക്ക് നല്കിയത്. സംസ്ഥാനത്തെ അറുപത് ശതമാനം പോലിസ് സ്റ്റേഷനുകളിലും കഴിഞ്ഞവര്ഷം പരിഷ്കാരം നടപ്പാക്കുകയും ചെയ്തു. എന്നാല് പ്രതീക്ഷിച്ച ഫലം ഈ മാറ്റംകൊണ്ട് ലഭിക്കുന്നില്ലെന്നാണ് സേനയില് നിന്നു തന്നെ പരാതി ഉയര്ന്നിരിക്കുന്നത്.
അധികാരം കുറഞ്ഞതോടെ പല എസ്ഐമാരും മടിയന്മാരായി. ക്രമസമാധാനപാലനം മുതല് കുറ്റാന്വേഷണം വരെ മുഴുവന് ജോലിയും സിഐമാരുടെ മാത്രം ഉത്തരവാദിത്വമായി. സിഐമാരില്ലാത്ത സമയത്ത് സ്റ്റേഷനില് ലഭിക്കുന്ന പല പരാതികളും സ്വീകരിക്കാന് പോലും മണിക്കൂറുകളുടെ കാലതാമസമെടുക്കുന്നതായും പരാതി ഉയര്ന്നു. ഇവയെല്ലാം പരാതിയായി ഉയര്ന്നതോടെയാണ് ഡിജിപി സ്റ്റേഷന് ചുമതലയുള്ള ഉദ്യോഗസ്ഥരുടെ യോഗം വിളിച്ചത്.
സ്റ്റേഷനുകളുടെ അടിസ്ഥാനസൗകര്യവികസനമാണ് അജണ്ടയെങ്കിലും പരിഷ്കാരം കാര്യക്ഷമമാക്കാനുള്ള നടപടികള് ചര്ച്ചചെയ്യും. സിഐമാരുടെ ചുമതല നിലനിര്ത്തിക്കൊണ്ട് തന്നെ പല അധികാരങ്ങളും എസ്ഐമാര്ക്ക് തിരികെ നല്കാനാണ് ആലോചന.
RELATED STORIES
നീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMTഇലക്ട്രിക് കാറിന് തീപിടിച്ചു; നാലംഗ മലയാളി കുടുംബത്തിന് കാലിഫോർണയിൽ...
26 April 2024 11:32 AM GMTകോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMTകണ്ണൂര്-ബെംഗളൂരു സര്വീസ് നിര്ത്തി എയര് ഇന്ത്യ
26 April 2024 11:13 AM GMT