ക്രൈംബ്രാഞ്ച് കേസ്:ഇ ഡിയുടെ ഹരജിയില്‍ വാദം പൂര്‍ത്തിയായി; ഹൈക്കോടതി വിധി പറയാന്‍ മാറ്റി

കൊച്ചി: ക്രൈംബ്രാഞ്ച് രജിസ്റ്റര്‍ ചെയ്ത കേസിനെതിരെ എന്‍ഫോഴ്‌സ്‌മെന്റ് ഡയറക്ടറേറ്റ് സമര്‍പ്പിച്ച ഹരജിയില്‍ വാദം പൂര്‍ത്തിയായി.ഹരജി ഹൈക്കോടതിയില്‍ വിധി പറയാന്‍ മാറ്റി.കേസില്‍ അന്വേഷണം തുടരാം എന്നാല്‍ വിധി പറയുന്നതുവരെ എന്‍ഫോഴ്‌സ്‌മെന്റ് ഡയറക്ടറേറ്റ് ഉദ്യോഗസ്ഥര്‍ക്കെതിരെ കര്‍ശന നടപടികള്‍ പാടില്ലെന്ന് ഹൈക്കോടതി നിര്‍ദേശിച്ചു.മജിസട്രേറ്റ് മുമ്പാകെ സന്ദീപിന്റെ രഹസ്യമൊഴി രേഖപ്പെടുത്തമെന്ന ക്രൈംബ്രാഞ്ചിന്റെ ആവശ്യം വിധി പ്രസ്താവിക്കുമ്പോള്‍ പരിഗണിക്കുമെന്നും കോടതി വ്യക്തമാക്കി.

ഇ ഡിക്കെതിരെ ക്രൈംബ്രാഞ്ച് രജിസ്റ്റര്‍ ചെയ്ത കേസ് നിയമപരമായി നിലനില്‍ക്കില്ലെന്നും കേസ് റദ്ദു ചെയ്യണമെന്നും ഇ ഡിക്കു വേണ്ടി ഹാജരായ അഭിഭാഷകര്‍ ഹൈക്കോടതിയില്‍ വാദിച്ചു.ക്രൈംബ്രാഞ്ചിനെതിരെ കോടതിയലക്ഷ്യ നടപടി സ്വീകരിക്കണമെന്നും ഇഡിക്കു വേണ്ടി ഹാജരായ അഭിഭാഷകന്‍ കോടതിയില്‍ വാദിച്ചു.ഇ ഡി ഉദ്യോഗസ്ഥര്‍ക്കെതിരെ മുമ്പു പരാതിപറയാതിരുന്ന സന്ദീപ് ഇപ്പോള്‍ പരാതിയുമായി വന്നതിനു പിന്നില്‍ ഗൂഡാലോചനയുണ്ടെന്നും ഇഡിക്കു വേണ്ടി ഹാജരായ അഭിഭാഷകര്‍ കോടതിയില്‍ വാദിച്ചു. എന്നാല്‍ ഇ ഡി യുടെ വാദത്തെ സര്‍ക്കാര്‍ അഭിഭാഷകര്‍ എതിര്‍ത്തു.ഇരു വിഭാഗത്തിന്റെയും വാദം കേട്ട കോടതി ഹരജി വിധി പറയാന്‍ മാറ്റുകയായിരുന്നു.