കൊവിഡ്: ആലപ്പുഴയിലെ തൃക്കുന്നപ്പുഴ, കൃഷ്ണപുരം പഞ്ചായത്തുകളില് കണ്ടെയ്ന്മെന്റ് സോണ്
തൃക്കുന്നപ്പുഴ ഗ്രാമപഞ്ചായത്തിലെ 7,8,9,10 വാര്ഡുകളും, കൃഷ്ണപുരം ഗ്രാമപഞ്ചായത്തിലെ 1,2,3 വാര്ഡുകളുമാണ് കണ്ടെയിന്മെന്റ് സോണായി പ്രഖ്യാപിച്ചത്. കാര്ത്തികപ്പള്ളി താലൂക്കിലെ ചെറുതന ഗ്രാമപഞ്ചായത്ത് വാര്ഡ് മൂന്ന് കണ്ടെയിന്മെന്റ് സോണില് നിന്നും ഒഴിവാക്കിയും നിയന്ത്രണങ്ങള് നീക്കിയും ജില്ല കലക്ടര് ഉത്തരവായി
ആലപ്പുഴ: കൊവിഡിന്റെ പശ്ചാത്തലത്തില് തൃക്കുന്നപ്പുഴ ഗ്രാമപഞ്ചായത്തിലെ 7,8,9,10 വാര്ഡുകളും, കൃഷ്ണപുരം ഗ്രാമപഞ്ചായത്തിലെ 1,2,3 വാര്ഡുകലും കണ്ടെയിന്മെന്റ് സോണായി ജില്ല ദുരന്ത നിവാരണ അതോറിറ്റി ചെയര്മാന് കൂടിയായ ജില്ല കലക്ടര് എ അലക്സാണ്ടര് പ്രഖ്യാപിച്ചു. കാര്ത്തികപ്പള്ളി താലൂക്കിലെ ചെറുതന ഗ്രാമപഞ്ചായത്ത് വാര്ഡ് മൂന്ന് കണ്ടെയിന്മെന്റ് സോണില് നിന്നും ഒഴിവാക്കിയും നിയന്ത്രണങ്ങള് നീക്കിയും ജില്ല കലക്ടര് ഉത്തരവായി. കണ്ടെയ്ന്മെന്റ് സോണുകളാക്കിയ വാര്ഡുകളിലെ റോഡുകളിലൂടെയുള്ള വാഹന ഗതാഗതം നിരോധിച്ചു. അവശ്യ വസ്തുക്കളുടെ വിതരണത്തിനും അടിയന്തിര വൈദ്യ സഹായത്തിനുള്ള യാത്രയ്ക്കും നിയന്ത്രണങ്ങള്ക്ക് വിധേയമായി ഇളവുകള് ഉണ്ടായിരിക്കും. അവശ്യ,ഭക്ഷ്യവസ്തുക്കള് വിതരണം ചെയ്യുന്ന സ്ഥാപനങ്ങള്ക്ക് മാത്രം രാവിലെ എട്ട് മണി മുതല് 11 മണിവരെയും പൊതുവിതരണ സ്ഥാപനങ്ങള്ക്ക് (പിഡിഎസ്.) രാവിലെ 8 മണി മുതല് ഉച്ചയ്ക്ക് 2 മണി വരെയും പ്രവര്ത്തിക്കാം.
ഒരേ സമയം അഞ്ചിലധികം പേര് എത്താന് പാടില്ല. മറ്റ് സ്ഥാപനങ്ങള് തുറക്കാന് പാടില്ല. യാതൊരു കാരണവശാലും നാലിലധികം ആളുകള് കൂട്ടം കൂടാന് പാടില്ല. പ്രദേശങ്ങളില് പോലിസ് നിരീക്ഷണവും തദ്ദേശ സ്വയംഭരണ വകുപ്പിന്റ ആരോഗ്യ വിഭാഗത്തിന്റെ നിരീക്ഷണവും ശക്തമാക്കേണ്ടതാണെന്ന് കലക്ടര് വ്യക്തമാക്കി.ഈ വാര്ഡുകളില് താമസിക്കുന്നവര്ക്ക് പുറത്തുനിന്ന് അവശ്യവസ്തുക്കള് ആവശ്യമായി വരുന്നപക്ഷം പോലിസ്, വാര്ഡ് ആര്ആര്ടിി കളുടെ സേവനം തേടാവുന്നതാണ്.പ്രദേശങ്ങളിലെ ആരാധാനാലയങ്ങള് തുറക്കാന് പാടില്ല. വിവാഹം, മരണാനന്തര ചടങ്ങുകള് എന്നിവയ്ക്ക് സുരക്ഷാമാനദണ്ഡങ്ങള് പാലിച്ച് പരമാവധി 20 പേര്ക്ക് മാത്രം പങ്കെടുക്കാം.
കൊവിഡ് രോഗപ്രതിരോധ പ്രവര്ത്തനവുമായി നേരിട്ട് ബന്ധമുള്ള സര്ക്കാര് ഓഫിസുകള് മാത്രം അവശ്യജീവനക്കാരെ വച്ച് പ്രവര്ത്തിപ്പിക്കാം. പോലിസ്, ട്രഷറി, പെട്രോളിയം, എല്പിജി,പോസ്റ്റോഫിസുകള് എന്നിവയ്ക്കും നിയന്ത്രണമാന ദണ്ഡങ്ങള് പാലിച്ച് പ്രവര്ത്തിക്കാം.ഗ്രാമപഞ്ചായത്തുകളിലെ മുഴുവന് വാര്ഡുതല ജാഗ്രതാ സമിതികളും അടിയന്തിരമായി കൊവിഡ് നിര്വ്യാപന, നിരീക്ഷണ നടപടികള് സ്വീകരിക്കണമെന്നും കലക്ടര് ആവശ്യപ്പെട്ടു.ഉത്തരവുകള് ലംഘിക്കുന്നവര്ക്കെതിരെ പകര്ച്ചവ്യാധി നിയന്ത്രണ നിയമപ്രകാരവും 2005 ദുരന്തനിവാരണ നിയമപ്രകാരവും ഐപിസി. സെക്ഷന് 188,269 പ്രകാരവും നിയമനടപടികള് സ്വീകരിക്കുമെന്ന് ജില്ല കലക്ടര് അറിയിച്ചു.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT