സംസ്ഥാനത്ത് രണ്ടുപേര്ക്ക് കൂടി കൊവിഡ്; ഇടപെടലും പ്രതിരോധവും കൂടുതൽ ശക്തിപ്പെടുത്തണമെന്ന് മുഖ്യമന്ത്രി
വിദേശത്ത് നിന്ന് വരുന്നവരുടെ മുന്ഗണനാ ക്രമം തയ്യാറാക്കുന്നതും മറ്റ് കാര്യങ്ങള് തീരുമാനിക്കുന്നതും യാത്രാ സൗകര്യം ഏര്പ്പെടുത്തുന്നതും ചിലവിടാക്കുന്നതും കേന്ദ്രസര്ക്കാരാണ്. നാട്ടിലെ സൗകര്യങ്ങള് ഏര്പ്പെടുത്തുന്നത് സംസ്ഥാനമാണ്.
![സംസ്ഥാനത്ത് രണ്ടുപേര്ക്ക് കൂടി കൊവിഡ്; ഇടപെടലും പ്രതിരോധവും കൂടുതൽ ശക്തിപ്പെടുത്തണമെന്ന് മുഖ്യമന്ത്രി സംസ്ഥാനത്ത് രണ്ടുപേര്ക്ക് കൂടി കൊവിഡ്; ഇടപെടലും പ്രതിരോധവും കൂടുതൽ ശക്തിപ്പെടുത്തണമെന്ന് മുഖ്യമന്ത്രി](https://www.thejasnews.com/h-upload/2020/05/09/107387-img-20200509-wa0023.jpg)
തിരുവനന്തപുരം: സംസ്ഥാനത്ത് ഇന്ന് രണ്ട് പേര്ക്ക് കൊവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന് വാർത്താ സമ്മേളനത്തിൽ അറിയിച്ചു. രോഗം സ്ഥിരീകരിച്ച രണ്ട് പേരും കഴിഞ്ഞദിവസം വിദേശത്ത് നിന്നും വന്നവരാണ്. ഒരാള് കോഴിക്കോടും ഒരാൾ കൊച്ചിയിലും ചികിത്സയിലാണ്. ഏഴാം തീയതി ദുബായില് നിന്നും കോഴിക്കോടേക്ക് വന്ന വിമാനത്തിലും അബുദാബിയില് നിന്ന് കൊച്ചിയിലെത്തിയ വിമാനത്തിലും ഉണ്ടായിരുന്നവര്ക്കാണ് രോഗം സ്ഥിരീകരിച്ചത്. രോഗം സ്ഥിരീകരിച്ച് ഇടുക്കിയില് ചികിത്സയിലായിരുന്ന ഒരാള് ഇന്ന് നെഗറ്റീവായി.
ഇതുവരെ 505 പേര്ക്കാണ് സംസ്ഥാനത്ത് രോഗം സ്ഥിരീകരിച്ചത്. നിലവിൽ സംസ്ഥാനത്ത് 17 പേരാണ് ചികിത്സയിലുള്ളത്. ആകെ 23930 പേരാണ് നിരീക്ഷണത്തിലുള്ളത്. 23,596 പേര് വീടുകളിലും 334 പേര് ആശുപത്രികളിലുമാണ്. ഇന്ന് 123 പേരെ ആശുപത്രിയില് പ്രവേശിപ്പിച്ചു. ഇതുവരെ 36648 സാമ്പിളുകള് പരിശോധനക്ക് അയച്ചു. 36002 എണ്ണം രോഗബാധയില്ലെന്ന് ഉറപ്പാക്കി. മുന്ഗണനാ വിഭാഗത്തിലെ 3475 സാമ്പിളുകള് ശേഖരിച്ചതില് 3231 എണ്ണം നെഗറ്റീവായി.
നിലവിലെ സാഹചര്യം കണക്കിലെടുത്ത് ഇടപെടലും പ്രതിരോധവും കൂടുതൽ ശക്തിപ്പെടുത്തണമെന്ന് മുഖ്യമന്ത്രി പറഞ്ഞു. വിദേശത്ത് നിന്നും മറ്റ് സംസ്ഥാനത്ത് നിന്ന് വരുന്നവരും അവര്ക്ക് വേണ്ടിയുള്ള സുരക്ഷാ സംവിധാനങ്ങളും പൂര്ണ്ണ ജാഗ്രതയോടെ തുടരണം. ലോകത്ത് എവിടെ കുടുങ്ങിയ കേരളീയരെയും നാട്ടിലെത്തിക്കാന് സര്ക്കാര് പ്രതിജ്ഞാബദ്ധമാണ്. പ്രവാസികളെ തിരിച്ചെത്തിക്കാനുള്ള തയ്യാറെടുപ്പാണ് സര്ക്കാര് നടത്തുന്നത്. കേന്ദ്ര സര്ക്കാരുമായി നിരന്തരണം ആശയവിനിമയം നടത്തിയാണ് നാം മുന്നോട്ട് പോകുന്നത്.
വിദേശത്ത് നിന്ന് വരുന്നവരുടെ മുന്ഗണനാ ക്രമം തയ്യാറാക്കുന്നതും മറ്റ് കാര്യങ്ങള് തീരുമാനിക്കുന്നതും യാത്രാ സൗകര്യം ഏര്പ്പെടുത്തുന്നതും ചിലവിടാക്കുന്നതും കേന്ദ്രസര്ക്കാരാണ്. നാട്ടിലെ സൗകര്യങ്ങള് ഏര്പ്പെടുത്തുന്നത് സംസ്ഥാനമാണ്. കേരളത്തില് തിരിച്ചെത്തുന്ന പ്രവാസികള്ക്കായി സൗകര്യം ഒരുക്കാന് ജില്ലകളില് നോഡല് ഓഫീസര്മാരെ നിയോഗിച്ചിട്ടുണ്ടെന്നും അദ്ദേഹം പറഞ്ഞു.
RELATED STORIES
3 ജില്ലകളിൽ നാളെ ഓറഞ്ച് അലർട്ട്, അതിശക്തമായ മഴയ്ക്ക് സാധ്യതയെന്ന്...
27 July 2024 9:34 AM GMTഅര്ജുന് വേണ്ടി ഇപ്പോള് നടക്കുന്ന തിരച്ചിലില് കുടുംബം തൃപ്തരെന്ന്...
27 July 2024 9:30 AM GMTനീതി ആയോഗ് യോഗം ബഹിഷ്കരിച്ച് പ്രതിപക്ഷ മുഖ്യമന്ത്രിമാര്; മൈക്ക്...
27 July 2024 9:27 AM GMTഎത്യോപ്യയിലുണ്ടായ മണ്ണിടിച്ചിലില് മരണം 275 ആയി; നിരവധി പേര്...
27 July 2024 7:43 AM GMTവിസ്മയച്ചെപ്പ് തുറന്ന് പാരിസ് ഒളിംപിക്സിന് കൊടിയേറ്റം;...
27 July 2024 7:21 AM GMTസൗഹൃദം സ്ഥാപിച്ച് പോലിസുകാരെ ഉള്പ്പെടെ ഹണിട്രാപ്പില് കുടുക്കിയ...
27 July 2024 6:31 AM GMT