Top

കൊവിഡ്: കേരളത്തിൽ 32 പേർക്ക് കൂടി സ്ഥിരീകരിച്ചു

ലോക്ക് ഡൗൺ പ്രഖ്യാപിച്ച സാഹചര്യത്തിൽ 20-3-2020ന് ചട്ടപ്രകാരം കാലാവധി അവസാനിച്ച പി എസ് സി റാങ്ക് ലിസ്റ്റുകളുടെ കാലാവധി മൂന്നു മാസത്തേക്ക് കൂടി ദീർഘിപ്പിച്ചു.

കൊവിഡ്: കേരളത്തിൽ 32 പേർക്ക് കൂടി സ്ഥിരീകരിച്ചു

തിരുവനന്തപുരം: സംസ്ഥാനത്ത് ഇന്ന് 32 പേർക്ക് കൊവിഡ് 19 സ്ഥിരീകരിച്ചു. ഇതിൽ17 പേർ വിദേശത്ത് നിന്നും വന്നവരും 15 പേർ സമ്പർക്കത്തിലൂടെ രോ​ഗം ബാധിച്ചവരുമാണ്. മുഖ്യമന്ത്രി പിണറായി വിജയൻ വാർത്താ സമ്മേളനത്തിലാണ് ഇക്കാര്യം അറിയിച്ചത്.

കാസർകോഡ് - 17, കണ്ണൂർ - 11, ഇടുക്കി- 2, വയനാട്- 2 എന്നിങ്ങനെയാണ് ഇന്ന് രോഗം സ്ഥിരീകരിച്ചത്. ഇതോടെ സംസ്ഥാനത്ത് ആകെ രോ​ഗം ബാധിച്ചവർ 213 പേരായി. 157253 പേരാണ് സംസ്ഥാനത്ത് നിരീക്ഷണത്തിലുള്ളത്. ഇതിൽ 623 പേർ ആശുപത്രികളിലാണ്. ഇന്നു മാത്രം 126 പേരെ ആശുപത്രികളിൽ പ്രവേശിപ്പിച്ചു. 6991 സാമ്പിളുകളാണ് പരിശോധനയ്ക്ക് അയച്ചത്. 6031 എണ്ണം നെഗറ്റീവാണെന്ന് ഉറപ്പിച്ചു.

ലോക്ക് ഡൗൺ പ്രഖ്യാപിച്ച സാഹചര്യത്തിൽ 20-3-2020ന് ചട്ടപ്രകാരം കാലാവധി അവസാനിച്ച പി എസ് സി റാങ്ക് ലിസ്റ്റുകളുടെ കാലാവധി മൂന്നു മാസത്തേക്ക് കൂടി ദീർഘിപ്പിച്ചതായും മുഖ്യമന്ത്രി അറിയിച്ചു. 19-6-2020 വരെ ലിസ്റ്റുകൾക്ക് പ്രാബല്യമുണ്ടാവും.

Next Story

RELATED STORIES

Share it