കൊവിഡ്-19 : എറണാകുളത്ത് 372 പേരെ കൂടി വീടുകളില് നിരീക്ഷണത്തിലാക്കി
നിരീക്ഷണ കാലയളവ് അവസാനിച്ച 37 പേരെ നിരീക്ഷണ പട്ടികയില് നിന്നും ഒഴിവാക്കി. ജില്ലയില് വീടുകളില് നിരീക്ഷണത്തില് ഉള്ളവരുടെ ആകെ എണ്ണം 2481 ആണ്.ജില്ലയില് വിവിധ ആശുപത്രികളില് നിരീക്ഷണത്തിലുള്ളവരുടെ എണ്ണം 33 ആണ്
കൊച്ചി: കൊവിഡ്-19 രോഗ പ്രതിരോധ പ്രവര്ത്തനത്തിന്റെ ഭാഗമായി ഇന്ന് 372 പേരെ കൂടി എറണാകുളം ജില്ലയില് പുതുതായി വീടുകളില് നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 37 പേരെ നിരീക്ഷണ പട്ടികയില് നിന്നും ഒഴിവാക്കുകയും ചെയ്തു. ഇതോടെ ജില്ലയില് വീടുകളില് നിരീക്ഷണത്തില് ഉള്ളവരുടെ ആകെ എണ്ണം 2481 ആയി. ഇതില് 19 പേര് ഹൈറിസ്ക്ക് വിഭാഗത്തിലും, 2462 പേര് ലോ റിസ്ക് വിഭാഗത്തിലുമാണ്.ഇന്ന് 13 പേരെ പുതുതായി ആശുപത്രിയില് നിരീക്ഷണത്തിനായി പ്രവേശിപ്പിച്ചു.ഇന്ന് വിവിധ ആശുപത്രികളില് നിരീക്ഷണത്തില് കഴിഞ്ഞിരുന്ന 25 പേരെ ഡിസ്ചാര്ജ് ചെയ്തു.
ജില്ലയില് വിവിധ ആശുപത്രികളില് നിരീക്ഷണത്തിലുള്ളവരുടെ എണ്ണം 33 ആണ്.ഇന്ന് ജില്ലയില് നിന്നും 43 സാമ്പിളുകള് കൂടി പരിശോധനയ്ക്ക് അയച്ചിട്ടുണ്ട്. ഇന്ന് 45 പരിശോധന ഫലങ്ങളാണ് ലഭിച്ചത്. ഇതെല്ലാം നെഗറ്റീവ് ആണ്. ഇനി 50 ഫലങ്ങള് കൂടി ലഭിക്കുവാനുണ്ട്.ഇന്ന് ജില്ലയിലെ പ്രധാന മാര്ക്കറ്റുകളില് 116 ചരക്കു ലോറികള് എത്തി. അതില് വന്ന 91 ഡ്രൈവര്മാരുടെയും ക്ളീനര്മാരുടെയും വിവരങ്ങള് ശേഖരിച്ചു. ഇതില് 68 പേരെ കണ്ട്രോള് റൂമില് നിന്നും ഫോണ് വഴി ബന്ധപ്പെട്ട് വിവരങ്ങള് ശേഖരിച്ചു. ആരിലും രോഗലക്ഷണങ്ങള് ഇല്ല.
ജില്ലയിലെ കോവിഡ് കെയര് സെന്റെറുകളായ ഗവണ്മെന്റ് ആയുര്വേദ കോളജ്, തൃപ്പൂണിത്തുറ, കളമശ്ശേരി രാജഗിരി കോളജ് ഹോസ്റ്റല്, കാക്കനാട് രാജഗിരി കോളേജ് ഹോസ്റ്റല് ,പാലിശ്ശേരി എസ് സി എം എസ് ഹോസ്റ്റല്,മുട്ടം എസ് സി എം എസ് ഹോസ്റ്റല്, കളമശ്ശേരി ജ്യോതിര് ഭവന്, മൂവാറ്റുപുഴ നെസ്റ്റ്, നെല്ലിക്കുഴി മാര് ബസേലിയോസ് ഡെന്റല് കോളേജ്, ആശീര്ഭവന് കച്ചേരിപ്പടി, റിട്രീറ്റ് സെന്റര് ചിറ്റൂര്, ആഷിയാന തൃക്കാക്കര, രാജഗജിരി വിശ്വജ്യോതി സ്കൂള് വേങ്ങൂര്, നുവാല്സ് കളമശ്ശേരി എന്നിവിടങ്ങളിലായി 497 പേരാണ് നിരീക്ഷണത്തില് കഴിയുന്നത്. മറ്റു സംസ്ഥാനങ്ങളില് നിന്നും ജില്ലയിലേക്ക് എത്തിയവര് തൊട്ടടുത്ത സര്ക്കാര് ആശുപത്രിയിലോ ആരോഗ്യ കേന്ദ്രത്തിലോ, ജില്ലാ കണ്ട്രോള് റൂമിലേക്കോ ഉടന് തന്നെ ഫോണ് വഴി അക്കാര്യം റിപോര്ട്ട് ചെയ്യേണ്ടതാണെന്ന് അധികൃതര് അറിയിച്ചു.
കോവിഡ് കെയര് സെന്ററുകളിലും വീടുകളിലും നിരീക്ഷണത്തില് കഴിയുന്നവര് ആരോഗ്യ പ്രവര്ത്തകര് നല്കുന്ന നിര്ദേശങ്ങള് കര്ശനമായും പാലിക്കേണ്ടതാണ്.വിദേശങ്ങളില് നിന്നും, മറ്റ് സംസ്ഥാനങ്ങളില് നിന്നും മടങ്ങിയെത്തിയവര് നിരീക്ഷണ കാലയളവില് ചികിത്സക്കായി യാതൊരു കാരണവശാലും നേരിട്ട് സര്ക്കാര്, സ്വകാര്യ ആശുപത്രികളില് നേരിട്ട് പോകുവാന് പാടില്ല. ചികില്സ ആവശ്യ മുള്ളവര് കണ്ട്രോള് റൂമില് വിളിക്കേണ്ടതും, കണ്ട്രോള് റൂമില് നിന്നുള്ള നിര്ദ്ദേശപ്രകാരം പ്രവര്ത്തിക്കേണ്ടതുമാണ്. ജില്ലാ കണ്ടോള് റൂം വഴി ഐഎംഎ ഹൗസില് പ്രവര്ത്തിക്കുന്ന ടെലി മെഡിസിന് സംവിധാനത്തിലൂടെയും വൈദ്യ സഹായം നല്കി വരുന്നു. നിരീക്ഷണത്തിലിരിക്കുന്ന ഗര്ഭിണികളും നേരിട്ട് ആശുപത്രികളില് പോകുവാന് പാടില്ല. ജില്ലാ കണ്ട്രോള് റൂമില് വിളിച്ച് അവിടെ നിന്നുമുള്ള നിര്ദ്ദേശപ്രകാരം ചികില്സ തേടേണ്ടതാണെന്നും അധികൃതര് വ്യക്തമാക്കി.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
