വോട്ടെണ്ണൽ കേന്ദ്രങ്ങൾ സജ്ജം; ആദ്യ ഫലസൂചന എട്ടരയോടെ
രാവിലെ സ്ട്രോങ് റൂമില്നിന്ന് വോട്ടിങ് യന്ത്രങ്ങള് അതതു നിയമസഭാ മണ്ഡലങ്ങള്ക്കായി നിശ്ചയിച്ചിട്ടുള്ള ഹാളിലേക്കു മാറ്റും. തിരഞ്ഞെടുപ്പ് നിരീക്ഷകന്, അസിസ്റ്റന്റ് റിട്ടേണിങ് ഓഫിസര്, രാഷ്ട്രീയ പാര്ട്ടി പ്രതിനിധികള് എന്നിവരുടെ സാന്നിധ്യത്തിലാകും യന്ത്രങ്ങള് പുറത്തെടുക്കുന്നത്.
തിരുവനന്തപുരം: ലോക്സഭാ തിരഞ്ഞെടുപ്പിന്റെ വോട്ടെണ്ണലിന് സംസ്ഥാനത്ത് ഒരുക്കങ്ങള് പൂര്ത്തിയായി. ഇന്നു രാവിലെ എട്ടരയോടെ ആദ്യ ഫലസൂചന അറിയാനാകുമെന്നാണ് പ്രതീക്ഷ. രാവിലെ സ്ട്രോങ് റൂമില്നിന്ന് വോട്ടിങ് യന്ത്രങ്ങള് അതതു നിയമസഭാ മണ്ഡലങ്ങള്ക്കായി നിശ്ചയിച്ചിട്ടുള്ള ഹാളിലേക്കു മാറ്റും.
തിരഞ്ഞെടുപ്പ് നിരീക്ഷകന്, അസിസ്റ്റന്റ് റിട്ടേണിങ് ഓഫിസര്, രാഷ്ട്രീയ പാര്ട്ടി പ്രതിനിധികള് എന്നിവരുടെ സാന്നിധ്യത്തിലാകും യന്ത്രങ്ങള് പുറത്തെടുക്കുന്നത്. ഓരോ വോട്ടെണ്ണല് കേന്ദ്രങ്ങളിലും നിശ്ചിത എണ്ണം ടേബിളുകള് സജ്ജീകരിച്ചിട്ടുണ്ട്. ഓരോ ടേബിളിലും ഒരു മൈക്രോ ഒബ്സര്വറും കൗണ്ടിങ് സൂപ്പര്വൈസറും കൗണ്ടിങ് അസിസ്റ്റന്റും ഉള്പ്പടെ മൂന്നു പേരാണ് ഉണ്ടാകുക.
രണ്ടു മണ്ഡലങ്ങൾ ഉൾപ്പെടുന്ന തിരുവനന്തപുരം ജില്ലയില് നാലാഞ്ചിറ മാര് ഇവാനിയോസ് വിദ്യാനഗറിലാണ് വോട്ടുകള് എണ്ണുന്നത്. നിയമസഭാ മണ്ഡലാടിസ്ഥാനത്തില് 14 കേന്ദ്രങ്ങളിലായാണ് വോട്ടെണ്ണല് നടക്കുന്നത്. ആറ്റിങ്ങല്, തിരുവനന്തപുരം ലോക്സഭാ മണ്ഡലങ്ങളിലായി ഏഴുവീതം നിയമസഭാ മണ്ഡലങ്ങളാണുള്ളത്. വര്ക്കല മണ്ഡലത്തിലെ വോട്ടിങ് യന്ത്രങ്ങള് സര്വോദയ വിദ്യാലയ ഓഡിറ്റോറിയത്തിലെ വോട്ടെണ്ണല് കേന്ദ്രത്തിലാണ് എണ്ണുന്നത്. ആറ്റിങ്ങല് - സര്വോദയ വിദ്യാലയ ലിറ്റില്ഫല്ര് ഓഡിറ്റോറിയം(രണ്ടാം നില), ചിറയിന്കീഴ് - സര്വോദയ വിദ്യാലയ ഓഡിറ്റോറിയം, നെടുമങ്ങാട് - സെന്റ് ജോണ്സ് എച്ച്എസ്എസ് ഹാള്, വാമനപുരം - സെന്റ് ജോണ്സ് എച്ച്എസ്എസ് ഹാള്, കഴക്കൂട്ടം - സര്വോദയ വിദ്യാലയ സെന്റ് പീറ്റേഴ്സ് ബ്ലോക്ക് ഓഡിറ്റോറിയം മെയിന് ബില്ഡിങ്, വട്ടിയൂര്ക്കാവ് - മാര് തിയോഫിലസ് ട്രെയിനിങ് കോളജ്, തിരുവനന്തപുരം - മാര് ബസേലിയോസ് എന്ജിനീയറിങ് കോളജ് ഓഡിറ്റോറിയം, നേമം - മാര് തിയോഫിലസ് ട്രെയിനിങ് കോളജ്, അരുവിക്കര - ജയ് മാതാ ഐടിസി, പാറശാല - മാര് ഇവാനിയോസ് കോളജ് ഓഡിറ്റോറിയം, കാട്ടാക്കട - മാര് ഇവാനിയോസ് കോളജ് ഓഡിറ്റോറിയം, കോവളം - മാര് ബസേലിയോസ് എന്ജിനീയറിങ് കോളജ് ഓഡിറ്റോറിയം, നെയ്യാറ്റിന്കര - മാര് ഇവാനിയോസ് കോളജ് ബിവിഎംസി ഹാള് എന്നിങ്ങനെയാണ് മറ്റു നിയമസഭാ മണ്ഡലങ്ങളിലെ വോട്ടുകള് എണ്ണുന്ന കേന്ദ്രങ്ങള്.
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT