ഹോര്‍മുസ് തടസ്സം തുടര്‍ന്നാല്‍ ആഗോള പ്രശ്‌നമാകുമെന്ന മുന്നറിയിപ്പുമായി ഖത്തര്‍

ഹോര്‍മുസ് കടലിടുക്കിലെ നിയന്ത്രണവും സംഘര്‍ഷവും തുടര്‍ന്നാല്‍ ആഗോള പ്രശ്‌നമായി മാറുമെന്ന മുന്നറിയിപ്പുമായി ഖത്തര്‍. പാകിസ്താന്റെ മധ്യസ്ഥ ശ്രമങ്ങളെ പിന്തുണക്കുന്നതായും ഖത്തര്‍ അറിയിച്ചു. പശ്ചിമേഷ്യയിലെ പ്രശ്‌നം പരിഹരിക്കണമെന്നും ഇറാനേയും അമേരിക്കയേയും ചര്‍ച്ചയിലേക്ക് എത്തിക്കാന്‍ പാകിസ്താന്‍ നടത്തുന്ന ശ്രമങ്ങളെ പിന്തുണക്കും.

ഇത്തവണ മധ്യസ്ഥത വഹിക്കുകയല്ല, മറിച്ച് സംഭവിച്ചുകൊണ്ടിരിക്കുന്ന കാര്യങ്ങള്‍ക്ക് പിന്തുണ നല്‍കുകയാണ് ചെയ്യുന്നത്. ഹോര്‍മുസ് കടലിടുക്ക് ഉപരോധം അവസാനിപ്പിക്കാന്‍ ആവശ്യമായ നടപടികളുണ്ടാവണം. ഉപരോധം തുടരുന്നത് ഒരു പ്രാദേശിക പ്രശ്‌നം മാത്രമല്ല, ആഗോള പ്രശ്‌നമാകുമെന്നും ഖത്തര്‍ മുന്നറിയിപ്പ് നല്‍കി.