കേരളം- നെതര്ലന്റ്സ് സഹകരണം: മേല്നോട്ട സമിതി രൂപീകരിക്കും
ഇന്ത്യയിലെ നെതര്ലന്റ്സ് അംബാസഡര് മാര്ട്ടിന് വാന്ഡെന് ബെര്ഗുമായി മുഖ്യമന്ത്രി പിണറായി വിജയന് നടത്തിയ കൂടിക്കാഴ്ചയിലാണ് ഈ തീരുമാനം.
തിരുവനന്തപുരം: നെതര്ലന്റ്സും കേരളവും തമ്മില് സഹകരണത്തിന് ധാരണയായ വിഷയങ്ങളിലുള്ള നടപടികള് വേഗത്തിലാക്കുന്നതിന് സംയുക്ത മേല്നോട്ട സംവിധാനം രൂപീകരിക്കും. ഇന്ത്യയിലെ നെതര്ലന്റ്സ് അംബാസഡര് മാര്ട്ടിന് വാന്ഡെന് ബെര്ഗുമായി മുഖ്യമന്ത്രി പിണറായി വിജയന് നടത്തിയ കൂടിക്കാഴ്ചയിലാണ് ഈ തീരുമാനം.
മുഖ്യമന്ത്രി നെതര്ലന്റ്സ് സന്ദര്ശിച്ചപ്പോഴും നെതര്ലന്റ്സ് രാജാവും രാജ്ഞിയും കേരളം സന്ദര്ശിച്ചപ്പോഴും എടുത്ത തീരുമാനങ്ങള് വേഗം പ്രാവര്ത്തികമാക്കുന്നതിനാണ് മേല്നോട്ട സംവിധാനം ഉണ്ടാക്കുന്നത്. മുഖ്യമന്ത്രിയുടെ ചേംബറില് തിങ്കളാഴ്ച വൈകുന്നേരം നടന്ന ചര്ചയില് ചീഫ് സെക്രട്ടറി ടോം ജോസ്, അഡീഷണല് ചീഫ് സെക്രട്ടറി ഡോ. വിശ്വാസ് മേത്ത, നെതര്ലന്റ്സ് ഡെപ്യൂട്ടി കോണ്സല് ജനറല് ഹീന ലഗവീന് എന്നിവരും പങ്കെടുത്തു.
റോട്ടര്ഡാം പോര്ട്ടുമായി സഹകരിച്ച് കേരളത്തിലെ തുറമുഖങ്ങളുടെ വികസനം, സാംസ്കാരിക പൈതൃക പരിപാടി, പഴം-പച്ചക്കറി കൃഷി വികസനത്തിന് മികവിന്റെ കേന്ദ്രം സ്ഥാപിക്കല്, ട്രാന്സ്പോര്ട്ട് സാങ്കേതിക രംഗത്തെ സഹകരണം, സ്പോര്ട്സ് മേഖലയിലെ സഹകരണം തുടങ്ങി നിരവധി മേഖലകളില് കേരളവും നെതര്ലന്റ്സും സഹകരിക്കാന് ധാരണയായിട്ടുണ്ട്. നെതര്ലന്റ്സിലെ റൂം ഫോര് റിവര് മാതൃക പ്രളയ പ്രതിരോധ നടപടികളുടെ ഭാഗമായി കേരളം പ്രാവര്ത്തികമാക്കുകയാണെന്ന് മുഖ്യമന്ത്രി പറഞ്ഞു.
RELATED STORIES
ശബരിമല ഗ്രീന്ഫീല്ഡ് വിമാനത്താവളം: ഭൂമി ഏറ്റെടുക്കാനുള്ള സര്ക്കാര്...
25 April 2024 9:08 AM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMTആവേശം കൊട്ടിക്കയറി; ഇനി നിശബ്ദ പ്രചാരണം
24 April 2024 12:28 PM GMTപാലക്കാട്ട് ഉഷ്ണതരംഗ മുന്നറിയിപ്പ്; 12 ജില്ലകളില് യെല്ലോ അലര്ട്ട്
24 April 2024 10:50 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMT