ശക്തമായ കാറ്റിന് സാധ്യത; മല്സ്യതൊഴിലാളികള്ക്ക് ജാഗ്രതാ നിര്ദ്ദേശം
കേരള, ലക്ഷദ്വീപ് തീരത്ത് ഇന്നും, വടക്കന് കേരള തീരത്ത് നവംബര് 16 വരെയും, കര്ണാടക തീരത്ത് നവംബര് 15 മുതല് 18 വരെയും മല്സ്യബന്ധനത്തിന് പോകാന് പാടുള്ളതല്ലെന്നും കേന്ദ്ര കാലാവസ്ഥ വകുപ്പ് അറിയിച്ചു
ആലപ്പുഴ:മണിക്കൂറില് 40 മുതല് 50 കി. മീ വരെ വേഗതയിലും ചിലവസരങ്ങളില് 60 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. കേരള, ലക്ഷദ്വീപ് തീരത്ത് ഇന്നും, വടക്കന് കേരള തീരത്ത് നവംബര് 16 വരെയും, കര്ണാടക തീരത്ത് നവംബര് 15 മുതല് 18 വരെയും മല്സ്യബന്ധനത്തിന് പോകാന് പാടുള്ളതല്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
പ്രത്യേക ജാഗ്രത നിര്ദ്ദേശം
17-11-2021 മുതല് 19-11-2021വരെ: മധ്യ പടിഞ്ഞാറ് , അതിനോട് ചേര്ന്ന് കിടക്കുന്ന തെക്ക് പടിഞ്ഞാറന് ബംഗാള് ഉള്ക്കടല്, തെക്കന് ആന്ധ്രപ്രദേശ്, വടക്കന് തമിഴ്നാട് തീരം എന്നിവിടങ്ങളില് മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
16-11-2021 മുതല് 17-11-2021വരെ: മധ്യ കിഴക്കന്, അതിനോട് ചേര്ന്ന് കിടക്കുന്ന തെക്ക് കിഴക്കന് അറബിക്കടല് എന്നിവിടങ്ങളില് മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.മേല് പറഞ്ഞ ദിവസങ്ങളില് പ്രസ്തുത പ്രദേശങ്ങളില് മല്സ്യബന്ധനത്തിന് പോകരുതെന്നും കാലാവസ്ഥ വകുപ്പ് അറിയിച്ചു.
ഇന്ന് ഗള്ഫ് ഓഫ് മാന്നാര് പ്രദേശങ്ങളില് മണിക്കൂറില് 35 മുതല് 45 കി. മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിന് സാധ്യതയുള്ളതിനാല് മല്സ്യ തൊഴിലാളികള് മല്സ്യ ബന്ധനത്തിന് ഏര്പ്പെടുമ്പോള് വളരെയധികം ജാഗ്രത പാലിക്കേണ്ടതാണ്.
വടക്കു ആന്ഡമാന് കടലില് ഉള്ള ന്യൂനമര്ദ്ദം പടിഞ്ഞാറ്വടക്കു പടിഞ്ഞാറ് ദിശയില് സഞ്ചരിച്ചു അടുത്ത 48 മണിക്കൂറിനുള്ളില് ശക്തി പ്രാപിച്ചു ശക്തമായ ന്യൂനമര്ദ്ദം ആകാന് സാധ്യതയുണ്ട്. തുടര്ന്ന് പടിഞ്ഞാറ് വടക്കു പടിഞ്ഞാറ് ദിശയില് സഞ്ചരിച്ചു നവംബര് 18 ഓടെ മധ്യ പടിഞ്ഞാറ് തെക്കു പടിഞ്ഞാറ് ബംഗാള് ഉള്ക്കടലില് എത്തി തെക്ക് ആന്ധ്രാ പ്രദേശ് വടക്കു തമിഴ് നാട് തീരത്ത് കരയില് പ്രവേശിക്കാന് സാധ്യതയുണ്ട്.
തെക്ക് കിഴക്കന് അറബികടലിലെ ചക്രവാതചുഴിയും കര്ണാടക തമിഴ്നാടിനു മുകളില് നിലനിന്നിരുന്ന ചക്രവാതചുഴിയും ഒരുമിച്ച് ചേര്ന്നു വടക്കന് കേരളത്തിനും കര്ണാടകക്കും സമീപം മധ്യ കിഴക്കന്തെക്കു കിഴക്കന് അറബിക്കടലില് ചക്രവാതചുഴിയായി നിലനില്ക്കുന്നു. അടുത്ത 24 മണിക്കൂറുനുള്ളില് ഇത് ഗോവ മഹാരാഷ്ട്ര തീരത്ത് ന്യുന മര്ദ്ദമായി ശക്തി പ്രാപിക്കാന് സാധ്യത. തുടര്ന്ന് പടിഞ്ഞാറ് വടക്കു പടിഞ്ഞാറ് ദിശയില് സഞ്ചരിച്ചു അടുത്ത 48 മണിക്കൂറില് ശക്തി പ്രാപിക്കാന് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
RELATED STORIES
യുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTദുബായ് വിമാനത്താവളത്തില് നിയന്ത്രണം; വിമാനം പുറപ്പെടുമെന്ന് ഉറപ്പ്...
19 April 2024 10:41 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMTകനത്ത മഴ; തിരുവനന്തപുരത്ത് നിന്നും യുഎഇയിലേക്കുളള നാല് വിമാനങ്ങള്...
17 April 2024 12:46 PM GMTഒരു ഇസ്രായേലി സൈനികന് പകരം 50 തടവുകാരെ വിട്ടയക്കണം; ഹമാസിന്റെ പുതിയ...
16 April 2024 5:58 PM GMT