കാംപസ് ഫ്രണ്ട് പ്രവര്ത്തകന് വാഹനാപകടത്തില് മരിച്ചു
കണ്ണൂര് ജില്ലാ ആശുപത്രിയില് പോസ്റ്റ്മോര്ട്ടത്തിനുശേഷം ഖബറടക്കം ഇന്ന് വൈകീട്ട് മണിക്ക് മങ്കട ജുമാമസ്ജിദ് ഖബര്സ്ഥാനില് നടക്കും.
മലപ്പുറം: കണ്ണൂര് മട്ടന്നൂര് വലിയന്നൂരിനടുത്തുണ്ടായ വാഹനാപകടത്തില് കാംപസ് ഫ്രണ്ട് മുന് മങ്കട ഏരിയാ സെക്രട്ടറിയും പോപുലര് ഫ്രണ്ട് ഓഫ് ഇന്ത്യ പ്രവര്ത്തകനുമായ വിദ്യാര്ഥി മരിച്ചു. നോര്ത്ത് ചേരിയം പരേതനായ ആലുങ്ങല് അബ്ബാസിന്റെ മകന് ഷമീറലി (19) ആണ് മരിച്ചത്. എറണാകുളത്ത് പഠിക്കുന്ന ഷമീറലി, സുഹൃത്തിന്റെ വീട്ടിലെ വിവാഹത്തില് പങ്കെടുക്കുന്നതിനായി കണ്ണൂരിലെത്തിയതായിരുന്നു. ഇരിട്ടി ഭാഗത്തേക്ക് ബൈക്കില് പോവുകയായിരുന്നു ഷമീറലിയും സുഹൃത്തുക്കളും.
ഷമീര് സഞ്ചരിച്ച ബൈക്കില് കാര് ഉരസിയതിനെ തുടര്ന്ന് റോഡിലേക്ക് തെറിച്ചുവീഴുകയും പിന്നാലെയെത്തിയ ബാംഗ്ലൂരിലേക്ക് പോവുകയായിരുന്ന ബസ് തലയിലൂടെ കയറിയിറങ്ങുകയുമായിരുന്നു. കാംപസ് ഫ്രണ്ട് സജീവപ്രവര്ത്തകനായിരുന്ന ഷമീറലി നാട്ടിലെ സാമൂഹിക സേവനപ്രവര്ത്തനങ്ങളില് സജീവസാന്നിധ്യമായിരുന്നു. ഷമീറലിയുടെ ആകസ്മിക മരണം സഹപാഠികളെയും സഹപ്രവര്ത്തകരെയും ദു:ഖത്തിലാഴ്ത്തി. മഞ്ചേരി ഗ്രീന്വാലി അക്കാദമി പൂര്വവിദ്യാര്ഥിയാണ്. മാതാവ്: സമീറ. സഹോദരിമാര്: സമീഹ, സജിയ, ദില്ന, ഹന്ന. കണ്ണൂര് ജില്ലാ ആശുപത്രിയില് പോസ്റ്റ്മോര്ട്ടത്തിനുശേഷം ഖബറടക്കം ഇന്ന് വൈകീട്ട് മണിക്ക് മങ്കട ജുമാമസ്ജിദ് ഖബര്സ്ഥാനില് നടക്കും.
RELATED STORIES
മഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMTകെ കെ ശൈലജക്കെതിരെ സമൂഹമാധ്യമത്തില് അശ്ലീല കമന്റിട്ട...
19 April 2024 10:47 AM GMTകാട്ടുമാടം മനയിൽ നിന്ന് പുരാതന വിഗ്രഹങ്ങളും സ്വര്ണാഭരണങ്ങളും കവര്ന്ന ...
19 April 2024 10:46 AM GMTരാഹുല് ഗാന്ധിക്കെതിരെ പരിഹാസ പരാമര്ശവുമായി മുഖ്യമന്ത്രി പിണറായി...
19 April 2024 10:44 AM GMTകെകെ ശൈലജക്കെതിരെ സൈബര് ആക്രമണം നടന്നിട്ടുണ്ടെങ്കില് അത് തെറ്റാണ്: ...
19 April 2024 10:43 AM GMT