Top

ന​യ​പ്ര​ഖ്യാ​പ​ന പ്ര​സം​ഗ​ത്തി​ല്‍ പൗരത്വഭേദഗതി പരാമർശം; ഗ​വ​ര്‍​ണ​ർ വിശദീകരണം തേടി

ഗവർണർ വിശദീകരണം തേടിയ സാഹചര്യത്തിൽ സർക്കാർ എന്തു നിലപാട് എടുക്കുമെന്നാണ് രാഷ്ട്രീയ കേന്ദ്രങ്ങൾ ഉറ്റുനോക്കുന്നത്.

ന​യ​പ്ര​ഖ്യാ​പ​ന പ്ര​സം​ഗ​ത്തി​ല്‍ പൗരത്വഭേദഗതി പരാമർശം; ഗ​വ​ര്‍​ണ​ർ വിശദീകരണം തേടി
X

തി​രു​വ​ന​ന്ത​പു​രം: സ​ര്‍​ക്കാ​രി​ന്‍റെ ന​യ​പ്ര​ഖ്യാ​പ​ന പ്ര​സം​ഗ​ത്തി​ല്‍ അതൃപ്തി പ്ര​ക​ടി​പ്പി​ച്ച് ഗ​വ​ര്‍​ണ​ര്‍ ആ​രി​ഫ് മു​ഹ​മ്മ​ദ് ഖാ​ന്‍. നി​യ​മ​സ​ഭ​യി​ല്‍ അ​വ​ത​രി​പ്പി​ക്കേ​ണ്ട ന​യ​പ്ര​ഖ്യാ​പ​ന പ്ര​സം​ഗ​ത്തി​ല്‍ പൗ​ര​ത്വ നി​യ​മ ഭേ​ദ​ഗ​തി​യു​മാ​യി ബ​ന്ധ​പ്പെ​ട്ട പ​രാ​മ​ര്‍​ശ​ങ്ങ​ൾ ഉൾപ്പെടുത്തിയതിൽ ഗ​വ​ര്‍​ണ​ര്‍ സർക്കാരിനോട് വിശദീകരണം തേടി. നിയമോപദേശത്തിന്റെ അടിസ്ഥാനത്തിലാണ് നടപടി.

ഗവർണറാണ് നിയമസഭയിൽ സർക്കാരിന്‍റെ നയം പ്രഖ്യാപിക്കുന്നത്. പൗരത്വ നിയമത്തിനെതിരെ കേരള നിയമസഭ പ്രമേയം പാസാക്കിയതും ഇതു സംബന്ധിച്ച സർക്കാർ നിലപാടും നയപ്രഖ്യാപന പ്രസംഗത്തിൽ ഉൾപ്പെടുത്തിയിട്ടുണ്ട്.

ക​ഴി​ഞ്ഞ ദി​വ​സ​മാ​ണ്‌ ന​യ​പ്ര​ഖ്യാ​പ​ന പ്രം​ഗ​ത്തി​ന്‍റെ പകർപ്പ് സ​ര്‍​ക്കാ​ര്‍ ഗ​വ​ര്‍​ണ​ര്‍​ക്ക് അ​യ​ച്ചു​കൊ​ടു​ത്ത​ത്. കോ​ട​തി​യുടെ പരിഗണനയിലുള്ള വി​ഷ​യം നിയമസ​ഭ​യി​ല്‍ പ​രാ​മ​ര്‍​ശി​ക്കു​ന്ന​ത് ഉ​ചി​ത​മ​ല്ല. ഇ​ത്ത​രം പ​രാ​മ​ര്‍​ശ​ങ്ങ​ള്‍ വ​രു​ന്ന ഭാ​ഗം പ്ര​സം​ഗ​ത്തി​ല്‍ നി​ന്ന് മാ​റ്റ​ണമെന്നും ​ ആവ​ശ്യ​പ്പെ​ട്ട ഗ​വ​ര്‍​ണ​ര്‍ വി​യോ​ജി​പ്പ് രേ​ഖ​പ്പെ​ടു​ത്തിയിരുന്നു​. സി​എ​എ പ​രാ​മ​ര്‍​ശ​ങ്ങ​ള്‍ ന​യ​പ്ര​സം​ഗ​ത്തി​ല്‍ നി​ന്ന് സ​ര്‍​ക്കാ​ര്‍ മാ​റ്റി​യി​ല്ലെ​ങ്കി​ല്‍ എ​ന്തു​വേ​ണ​മെ​ന്ന​തി​ല്‍ ഗ​വ​ര്‍​ണ​ര്‍ നി​യ​മോ​പ​ദേ​ശ​വും തേ​ടിയിരുന്നു​.

ഗവർണർ വിശദീകരണം തേടിയ സാഹചര്യത്തിൽ സർക്കാർ എന്തു നിലപാട് എടുക്കുമെന്നാണ് രാഷ്ട്രീയ കേന്ദ്രങ്ങൾ ഉറ്റുനോക്കുന്നത്. ചില ഭാഗങ്ങൾ ഒഴിവാക്കണമെന്ന് ഗവർണർ നിർദേശിച്ചാലും അന്തിമ തീരുമാനം എടുക്കേണ്ടത് മന്ത്രിസഭയാണ്. നിലവിലെ സാഹചര്യത്തിൽ പൗരത്വ നിയമത്തെക്കുറിച്ചുള്ള പരാമർശങ്ങൾ സർക്കാർ ഒഴിവാക്കാനിടയില്ല.

ഈ സാഹചര്യത്തിൽ ഗവർണർ നിയമസഭയിൽ എതിർപ്പ് പ്രകടമാക്കിയാൽ വലിയ വിവാദങ്ങൾക്ക് വഴിവയ്ക്കും. ജനുവരി 29ന് ഗവർണറുടെ നയപ്രഖ്യാപന പ്രസംഗത്തോടെയാണ് ബജറ്റ് സമ്മേളനം ആരംഭിക്കുന്നത്.

Next Story

RELATED STORIES

Share it