അടിപിടിക്കേസ് ഒത്തുതീര്‍ക്കാന്‍ കൈക്കൂലി; എ എസ് ഐക്ക് രണ്ടു വര്‍ഷം തടവും പിഴയും

കൊച്ചി: അടിപിടിക്കേസ് ഒത്തുതീര്‍ക്കാന്‍ കൈക്കൂലി വാങ്ങിയ എ എസ് ഐ യെ രണ്ടു വര്‍ഷം തടവിനും 50,000 രൂപ പിഴയും ശിഷ വിധിച്ചു.ശാന്തന്‍പാറ പോലിസ് സ്റ്റേഷനിലെ എഎസ് ഐ എം വി ജോയിയെയാണ് കൈക്കൂലി വാങ്ങിയ കേസില്‍ മൂവാറ്റുപുഴ വിജിലന്‍സ് കോടതിജഡ്ജി ജോബിന്‍ സെബാസ്റ്റ്യന്‍ രണ്ടു വര്‍ഷം തടവിന് ശിക്ഷിച്ചത്. 50000 രൂപ പിഴയടയ്ക്കുകയും വേണം.അഴിമതി നിരോധനവകുപ്പു പ്രകാരമാണ് പ്രതിയെ ശിക്ഷിച്ചത്.ഉ

ടുമ്പന്‍ചോല പോലീസ് ഒട്ട് പോസ്റ്റില്‍ ജോലിയിലിരിക്കുമ്പോള്‍ 2011 സെപ്റ്റംബര്‍ 27-ന് ഇടുക്കി സ്വദേശി രാജന്റെ കൈയില്‍ നിന്നും 5000 രൂപ കൈക്കൂലി വാങ്ങുമ്പോഴാണ് എഎസ് ഐ ജോയി ഇടുക്കി വിജിലന്‍സ് പോലിസിന്റെ പിടിയിലാകുന്നത്. അടിപിടിക്കേസില്‍ നിന്നും രാജനെ ഒഴിവാക്കുവാനാണ് ജോയി 5000 രൂപ കൈക്കൂലി ആവശ്യപ്പെട്ടത്.ഇടുക്കി വിജിലന്‍സ് ഡിവൈഎസ്പി പി ടി കൃഷ്ണന്‍കുട്ടിയാണ് കേസ്് അന്വേഷിച്ചത്.പ്രോസിക്യൂഷന് വേണ്ടി പബ്‌ളിക്ക് പ്രോസിക്യൂട്ടര്‍ രാജ്‌മോഹന്‍ ആര്‍ പിള്ള ഹാജരായി.