ശബരിമല: നിരാഹാര സമരം പാര്‍ട്ടിയെ അപഹാസ്യമാക്കിയെന്ന് ബിജെപി കോര്‍ കമ്മിറ്റിയില്‍ മുരളീധര പക്ഷം

തൃശ്ശൂര്‍: ശബരമില സമരത്തെ ചൊല്ലി ബിജെപി കോര്‍ കമ്മിറ്റിയില്‍ തര്‍ക്കം. കൃഷ്ണദാസ് മുരളീധര പക്ഷങ്ങള്‍ തമ്മിലാണ് കൊമ്പുകോര്‍ത്തത്. സെക്രട്ടേറിയറ്റിന് മുന്നിലെ നിരാഹാര സമരം അനാവശ്യമായിരുന്നുവെന്ന് മുരളീധര പക്ഷം വാദിച്ചു. പാര്‍ട്ടിയെ ഈ സമരം അപഹാസ്യമാക്കിയെന്നാണു മുരളീധര വിഭാഗത്തിന്റെ നിലപാട്.

എന്നാല്‍, സമരം വന്‍ വിജയമായിരുന്നുവെന്ന് പാര്‍ട്ടി അധ്യക്ഷന്‍ പി എസ് ശ്രീധരന്‍ പിള്ള പറഞ്ഞു. പാര്‍ട്ടിയിലെ ഒരു വിഭാഗം നേതാക്കള്‍ നിസഹകരിച്ചു. അങ്ങനെയാണെങ്കിലും സമരം വിജയമായിരുന്നുവെന്ന് കൃഷ്ണദാസ് പക്ഷവും പറഞ്ഞു.