Kerala

നിയന്ത്രണംവിട്ട ബൈക്ക് മതിലില്‍ ഇടിച്ച് രണ്ട് യുവാക്കള്‍ മരിച്ചു

ഇരവിമംഗലം അമ്പഴത്തുങ്കല്‍ ഡിജോ (22), മാഞ്ഞൂര്‍ സൗത്ത് കുന്നത്ത് ജോമി (22) എന്നിവരാണ് മരിച്ചത്. ഞായറാഴ്ച രാത്രി 11.30ന് കുറുപ്പന്തറ പുളിന്തറ വളവിലായിരുന്നു അപകടം.

നിയന്ത്രണംവിട്ട ബൈക്ക് മതിലില്‍ ഇടിച്ച് രണ്ട് യുവാക്കള്‍ മരിച്ചു
X

കടുത്തുരുത്തി: നിയന്ത്രണംവിട്ട ബൈക്ക് വൈദ്യുത പോസ്റ്റിലും മതിലിലും ഇടിച്ച് രണ്ട് യുവാക്കള്‍ മരിച്ചു. ഇരവിമംഗലം അമ്പഴത്തുങ്കല്‍ ഡിജോ (22), മാഞ്ഞൂര്‍ സൗത്ത് കുന്നത്ത് ജോമി (22) എന്നിവരാണ് മരിച്ചത്. ഞായറാഴ്ച രാത്രി 11.30ന് കുറുപ്പന്തറ പുളിന്തറ വളവിലായിരുന്നു അപകടം. വൈക്കത്ത് കാറ്ററിങ് ജോലികഴിഞ്ഞ് കോതനല്ലൂര്‍ ഭാഗത്തുനിന്ന് കുറുപ്പന്തറയിലേക്ക് വരുന്നതിനിടെയാണു യുവാക്കള്‍ അപകടത്തില്‍പ്പെട്ടത്. ഇവര്‍ സഞ്ചരിച്ചിരുന്ന ബൈക്ക് നിയന്ത്രണംവിട്ട് റോഡരികിലേക്ക് പാളുകയും വൈദ്യുതി തൂണിലും മതിലിലും ഇടിക്കുകയായിരുന്നു.

പോസ്റ്റിലും മതിലിലും തലയിടിച്ചാണ് ഇരുവര്‍ക്കും ഗുരുതരമായി പരിക്കേറ്റത്. ഇരുവരെയും കാരിത്താസ് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. വിവരമറിഞ്ഞ് സ്ഥലത്തെത്തിയ പോലിസ് സംഘമാണ് രണ്ടുപേരെയും ആശുപത്രിയിലെത്തിച്ചത്. മൃതദേഹങ്ങള്‍ മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. കടുത്തുരുത്തി പോലിസ് സ്ഥലത്തെത്തി മേല്‍നടപടി സ്വീകരിച്ചു.

Next Story

RELATED STORIES

Share it