എറണാകുളത്ത് 140 കിലോ കഞ്ചാവ് പിടിച്ച സംഭവം: പ്രതികളെ പോലിസ് പിടികൂടിയത് സാഹസികമായി
തൊടുപുഴ കാരിക്കോട് ഇടവെട്ടി മറ്റത്തില് വിട്ടില് അന്സല് (34), പെരുമ്പടച്ചിറ ചെളിക്കണ്ടത്തില് നിസാര് (37), വെള്ളത്തൂവല് അരീക്കല് ചന്തു (22) എന്നിവരെയാണ് എറണാകുളം ജില്ലാ പോലിസ് മേധാവി കെ കാര്ത്തിക്കിന്റെ നേതൃത്വത്തില് പിടികൂടിയത്.കാറില് കടത്തിക്കൊണ്ടുവന്ന 105 കിലോ കഞ്ചാവ് അങ്കമാലിയില് നിന്നും, 35 കിലോ കഞ്ചാവ് ആവോലിയിലെ വാടകവീട്ടില് നിന്നുമാണ് പിടികൂടിയത്
കൊച്ചി: എറണാകുളം റൂറല് ജില്ലാ പോലിസിന്റെ നേതൃത്വത്തില് രണ്ടിടങ്ങളിലായി പോലിസ് സംഘം നടത്തിയ പരിശോധനയില് കാറില് കടത്തിക്കൊണ്ടുവന്ന 105 കിലോ അടക്കം 140 കിലോ കഞ്ചാവ് പിടികൂടിയത് സാഹസികമായി. സംഭവത്തില് മൂന്നു പേരെ പോലിസ് അറസ്റ്റു ചെയ്തു.കഞ്ചാവ് കടത്തിയ തൊടുപുഴ കാരിക്കോട് ഇടവെട്ടി മറ്റത്തില് വിട്ടില് അന്സല് (34), പെരുമ്പടച്ചിറ ചെളിക്കണ്ടത്തില് നിസാര് (37), വെള്ളത്തൂവല് അരീക്കല് ചന്തു (22) എന്നിവരെയാണ് എറണാകുളം ജില്ലാ പോലിസ് മേധാവി കെ കാര്ത്തിക്കിന്റെ നേതൃത്വത്തില് പിടികൂടിയത്.
കാറില് കടത്തിക്കൊണ്ടുവന്ന 105 കിലോ കഞ്ചാവ് അങ്കമാലിയില് നിന്നും, 35 കിലോ കഞ്ചാവ് ആവോലിയിലെ വാടകവീട്ടില് നിന്നുമാണ് പിടികൂടിയത്. കഞ്ചാവ് കടത്തുന്ന സംഘം എസ്പി.യുടെ നിരീക്ഷണത്തിലായിരുന്നു. രണ്ടു കാറുകളിലായി 50 പാക്കറ്റില് കഞ്ചാവ് കടത്തുന്ന മൂന്ന് അംഗ സംഘത്തെ പിന്തുടര്ന്ന് അങ്കമാലിയില് വച്ച് സാഹസികമായി പോലിസ് പിടികൂടുകയായിരുന്നു. മൊത്ത വിതരണക്കാരായ ഇവര് ഇതിനു മുമ്പും കഞ്ചാവ് കടത്തിയിട്ടുണ്ട്. ഇവരില് നിന്നും ലഭിച്ച വിവരത്തിന്റെ അടിസ്ഥാനത്തില് നടന്ന പരിശോധനയിലാണ് കല്ലൂര്ക്കാട് ആവോലിയിലെ വാടക വീട്ടില് നിന്നും 17 പാക്കറ്റ് കളിലായി സൂക്ഷിച്ചിരുന്ന 35 കിലോ കഞ്ചാവ് പിടികൂടിയത്. കഞ്ചാവ് കടത്തിനു പിന്നില് കൂടുതല് പേര് ഉണ്ടോയെന്ന് പരിശോധിച്ചു വരികയാണെന്ന് എസ് പി കെ കാര്ത്തിക് പറഞ്ഞു.
കഴിഞ്ഞ ദിവസം പെരുമ്പാവൂരില് നിന്ന് 45 എല്എസ്ഡി സ്റ്റാമ്പുകളുമായി വിദ്യാര്ഥിയടക്കം മൂന്നു യുവാക്കളെ പിടികൂടിയിരുന്നു. അന്വേഷണ സംഘത്തില് റൂറല് ജില്ലയിലെ ഡാന്സാഫ് സ്ക്വാഡിനോടോപ്പം നാര്ക്കോട്ടിക് ഡിവൈഎസ്പി എം ആര് മധു ബാബു സി ഐ മാരായ സോണി മത്തായി, കെ ജെ പീറ്റര് , എസ് ഐ ടി എം സൂഫി,എഎസ്ഐ മാരായ ഷിബു ജോസഫ്, സാജു പോള്,എം വി ബിജു,പി ജെ , സീനിയര് സിവില് പോലിസ് ഓഫീസര്മാരായ റോണി അഗസ്റ്റിന്, കെ ബി സലിന് കുമാര്,എം ജി ജിസ്മോന് , ജിമോന് ജോര്ജ്, എം വി ജെയ്മോന്,രതീശന്, സുബി, അനില് കുമാര് എന്നിവരും പ്രതികളെ പിടികൂടാന് നേതൃത്വം നല്കി.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
