പെരിന്തല്‍മണ്ണയില്‍ അസം സ്വദേശിനിക്ക് കുത്തേറ്റു

മലപ്പുറം: പെരിന്തല്‍മണ്ണയില്‍ അസം സ്വദേശിനിക്ക് കുത്തേറ്റു. ആലിപ്പറമ്പ് കാമ്പുറം തോണിക്കടവ് ഫാം ഹൗസിലെ ജോലിക്കാരിയായ ആഫിയ(22)യ്ക്കാണു കുത്തേറ്റത്. കഴുത്തിന് പരിക്കേറ്റ യുവതിയെ ഇഎംഎസ് സഹകരണ ആശുപത്രിയില്‍ പ്രവേശിപ്പിച്ചു. പ്രതിയെന്നു സംശയിക്കുന്ന അയല്‍വാസി നിസാറിനെ പോലിസ് കസ്റ്റഡിയിലെടുത്തിട്ടുണ്ട്. വെള്ളിയാഴ്ച വൈകീട്ട് 4.30നാണ് സംഭവം. യുവതിയുടെ നിലവിളി ശബ്ദം കേട്ടാണ് നാട്ടുകാര്‍ സംഭവമറിഞ്ഞത്. കഴുത്തിനു മുറിവേറ്റ യുവതിയെ അടിയന്തിര ശാസ്ത്രക്രിയക്കു വിധേയമാക്കി.