നവജാത ശിശുവുമായി വീണ്ടുമൊരു ആംബുലന്സ്; മലപ്പുറത്തുനിന്ന് തിരുവനന്തപുരത്തേക്ക്
കൊച്ചിയിലും തിരുവനന്തപുരത്തും മികച്ച ചികില്സാ സൗകര്യങ്ങളുള്ളപ്പോള് മലബാറിനെ സര്ക്കാര് അവഗണിക്കുകയാണെന്ന ആക്ഷേപം ഉയരുന്നതിനിടേയാണ് വീണ്ടുമൊരു ആംബുലന്സ് യാത്ര.
മലപ്പുറം: കുരുന്നു ജീവന് രക്ഷിക്കാന് മികച്ച ചികില്സ തേടി മലബാറില് നിന്ന് വീണ്ടുമൊരു ആംബുലന്സ് യാത്ര. ഹൃദയ സംബന്ധമായ അസുഖമുള്ള മൂന്ന് ദിവസം മാത്രം പ്രായമായ കുഞ്ഞിനെയും കൊണ്ടാണ് പെരിന്തല്മണ്ണയില് നിന്ന് തിരുവനന്തപുരം ശ്രീ ചിത്തിരയിലേക്ക് ആംബുലന്സ് പുറപ്പെടുന്നത്. മലപ്പുറം ജില്ലയിലെ വേങ്ങൂര് സ്വദേശികളായ കളത്തില് നജാദ്-ഇര്ഫാന ദമ്പതികളുടെ മകനാണ് ഹൃദയ സംബന്ധമായ അസുഖം മൂലം മലപ്പുറം പെരിന്തല്മണ്ണ അല്ഷിഫ ആശുപത്രിയില് കഴിയുന്നത്. ഇന്ന് വൈകീട്ടോടെ വാഹനം പുറപ്പെടും.
ആരോഗ്യ വകുപ്പിന്റെ ഹൃദ്യം പദ്ധതിയുടെ ഭാഗമായുള്ള KL 02 BD 8296 എന്ന നമ്പര് ആംബുലന്സിലാണ് കുട്ടിയെ കൊണ്ടുപോകുക. മുഖ്യമന്ത്രിയുടെയും ആരോഗ്യമന്ത്രിയുടെയും ഓഫീസില് സഹായമഭ്യര്ത്ഥിച്ച് ബന്ധപ്പെട്ടതായി ബന്ധുക്കള് അറിയിച്ചു. തൃശൂരില് നിന്ന് ഹൃദ്യം ആംബുലന്സ് എത്താന് ബന്ധുക്കള് കാത്തിരിക്കുകയാണ്.
സമാനമായ രീതിയില് 15 ദിവസം മാത്രം പ്രായമുള്ള കുഞ്ഞുമായി ഇന്നലെയാണ് ഹൃദയ ശസ്ത്രക്രിയക്കായ് മംഗലാപുരത്ത് നിന്ന് കൊച്ചിയിലേക്ക് ആംബുലന്സ് പറന്നത്. കൊച്ചിയിലും തിരുവനന്തപുരത്തും മികച്ച ചികില്സാ സൗകര്യങ്ങളുള്ളപ്പോള് മലബാറിനെ സര്ക്കാര് അവഗണിക്കുകയാണെന്ന ആക്ഷേപം ഉയരുന്നതിനിടേയാണ് വീണ്ടുമൊരു ആംബുലന്സ് യാത്ര.
RELATED STORIES
വോട്ടിന് കിറ്റ്: ജനാധിപത്യത്തെ അട്ടിമറിക്കാനുള്ള നീക്കത്തില് പൗരസമൂഹം ...
25 April 2024 9:33 AM GMTശബരിമല ഗ്രീന്ഫീല്ഡ് വിമാനത്താവളം: ഭൂമി ഏറ്റെടുക്കാനുള്ള സര്ക്കാര്...
25 April 2024 9:08 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMT