മോദിയുടെ വിസ റദ്ദാക്കണം, തിരഞ്ഞെടുപ്പ് കമ്മീഷനെ സമീപിക്കും; പ്രധാനമന്ത്രിയുടെ ബംഗ്ലാദേശ് സന്ദര്ശനത്തിനെതിരേ മമത
കൊല്ക്കത്ത: പ്രധാനമന്ത്രി നരേന്ദ്രമോദിയുടെ ബംഗ്ലാദേശ് സന്ദര്ശനത്തിനെതിരേ രൂക്ഷവിമര്ശനവുമായി പശ്ചിമ ബംഗാള് മുഖ്യമന്ത്രി മമത ബാനര്ജി രംഗത്ത്. ബംഗാളില് നിയമസഭാ തിരഞ്ഞെടുപ്പ് നടക്കുന്ന സാഹചര്യത്തില് നടത്തിയ മോദിയുടെ ബംഗ്ലാദേശ് സന്ദര്ശനം വോട്ടര്മാരെ സ്വാധീനിക്കാനാണെന്ന് മമത ആരോപിച്ചു. ഖാരഗ്പൂരില് നടന്ന പ്രചാരണ പരിപാടിയിലാണ് മോദിക്കെതിരേ മമത ആഞ്ഞടിച്ചത്. ബംഗാളില് തിരഞ്ഞെടുപ്പ് പുരോഗമിക്കുകയാണ്. മോദി ബംഗ്ലാദേശിലെത്തി ബംഗാളിനെക്കുറിച്ച് സംസാരിക്കുകയാണ്. പ്രധാനമന്ത്രിയുടെ നടപടി തിരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമാണ്.
2019 ലോക്സഭാ തിരഞ്ഞെടുപ്പ് വേളയില് തൃണമൂല് കോണ്ഗ്രസിന്റെ റാലിയില് ഒരു ബംഗ്ലാദേശി നടന് പങ്കെടുത്തപ്പോള് ബിജെപി ബംഗ്ലാദേശ് സര്ക്കാരുമായി ബന്ധപ്പെട്ട് അദ്ദേഹത്തിന്റെ വിസ റദ്ദാക്കിയിരുന്നു. എന്നാല്, ഇപ്പോള് ബംഗാളില് തിരഞ്ഞെടുപ്പ് നടക്കുമ്പോള് ഒരുവിഭാഗം ജനങ്ങളുടെ വോട്ടുനേടാനായി മോദി ബംഗ്ലാദേശില് പോയി. എന്തുകൊണ്ടാണ് മോദിയുടെ വിസ റദ്ദാക്കുന്നില്ല. ഇക്കാര്യം ആവശ്യപ്പെട്ട് തിരഞ്ഞെടുപ്പ് കമ്മീഷന് തങ്ങള് പരാതി നല്കുമെന്നും മമത വ്യക്തമാക്കി.
ബംഗാളില് ഒന്നാംഘട്ട നിയമസഭാ തിരഞ്ഞെടുപ്പ് പോളിങ് നടക്കുന്നതിനിടയിലാണ് മോദി ബംഗ്ലാദേശ് സന്ദര്ശനം നടത്തിയത്. രണ്ടുദിവസത്തെ ബംഗ്ലാദേശ് സന്ദര്ശനത്തിനിടെ മോദി ഒരകണ്ഡിയിലെ മതുവ വിഭാഗത്തില്പ്പെട്ടവരുടെ ക്ഷേത്രദര്ശനം നടത്തിയതിനെയും മമത വിമര്ശിച്ചു. ഹിന്ദു മതുവ സമുദായത്തില് നിന്നുള്ള നൂറുകണക്കിനാളുകളുടെ വാസസ്ഥലമാണ് ഒരകണ്ടി.
അവരില് വലിയൊരു വിഭാഗം ഇപ്പോള് പശ്ചിമബംഗാളില് താമസിക്കുന്നവരും തിരഞ്ഞെടുപ്പില് ഇവരുടെ വോട്ട് നിര്ണായക ഘടകവുമാണ്. മമത ബംഗ്ലാദേശില്നിന്ന് ആളുകളെ ബംഗാളിലേക്ക് കൊണ്ടുവന്നുവെന്നാണ് അവര് ആരോപിച്ചിരുന്നത്. എന്നാല്, ഇപ്പോള് പ്രധാനമന്ത്രി തന്നെ വോട്ടുകച്ചവടത്തിനായി ബംഗ്ലാദേശിലേക്ക് പോയിരിക്കുകയാണെന്ന് മമത കുറ്റപ്പെടുത്തി.
RELATED STORIES
ബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTതെലങ്കാനയില് സ്കൂളിന് നേരെ ഹിന്ദുത്വ സംഘടനകളുടെ ആക്രമണം; മലയാളി...
18 April 2024 10:30 AM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT