കര്ഷക പ്രക്ഷോഭം: ബിജെപി ഐടി സെല് മേധാവി പ്രചരിപ്പിച്ച വീഡിയോ കൃത്രിമമെന്ന് ട്വിറ്റര്
. ഇന്ത്യ കണ്ട ഏറ്റവും നിന്ദ്യനായ പ്രതിപക്ഷ നേതാവായിരിക്കും രാഹുല് ഗാന്ധിയെന്ന തലക്കെട്ടോടെയുള്ള ബിജെപി ഐടി സെല് മേധാവി അമിത് മാളവ്യയുടെ ട്വീറ്റാണ് കൃത്രിമമാണെന്നും തെറ്റിദ്ധാരണ പരത്തുന്നതുമാണെന്ന് ട്വിറ്റര് വ്യക്തമാക്കിയത്.
ന്യൂഡല്ഹി: കര്ഷകപ്രക്ഷോഭവുമായി ബന്ധപ്പെട്ട് ബിജെപി ഐടി സെല് മേധാവി പ്രചരിപ്പിച്ച വീഡിയോ കൃത്രിമമെന്ന് ട്വിറ്ററിന്റെ കണ്ടെത്തല്. വ്യാജവാര്ത്തകള്ക്കെതിരായ നടപടികള് കര്ശനമാക്കുന്നതിന്റെ ഭാഗമായാണ് ട്വിറ്റര് വീഡിയോയുടെ യാഥാര്ഥ്യം പുറത്തുവിട്ടത്. ഇന്ത്യ കണ്ട ഏറ്റവും നിന്ദ്യനായ പ്രതിപക്ഷ നേതാവായിരിക്കും രാഹുല് ഗാന്ധിയെന്ന തലക്കെട്ടോടെയുള്ള ബിജെപി ഐടി സെല് മേധാവി അമിത് മാളവ്യയുടെ ട്വീറ്റാണ് കൃത്രിമമാണെന്നും തെറ്റിദ്ധാരണ പരത്തുന്നതുമാണെന്ന് ട്വിറ്റര് വ്യക്തമാക്കിയത്. നവംബര് 28ന് രാഹുല് ഗാന്ധി അടക്കമുള്ള കോണ്ഗ്രസ് നേതാക്കള് ട്വിറ്ററില് പങ്കുവച്ച കര്ഷക പ്രക്ഷോഭത്തിന്റെ വൈറല് ചിത്രമാണ് അമിത് മാളവ്യയുടെ ട്വീറ്റിനാധാരം.
Rahul Gandhi must be the most discredited opposition leader India has seen in a long long time. https://t.co/9wQeNE5xAP pic.twitter.com/b4HjXTHPSx
— Amit Malviya (@amitmalviya) November 28, 2020
കര്ഷകപ്രക്ഷോഭത്തിന്റെ ഭാഗമായി ഡല്ഹി- ഹരിയാന അതിര്ത്തിയിലെത്തിയ വൃദ്ധനായ കര്ഷകന് നേരേ ഒരു സുരക്ഷാ ഉദ്യോഗസ്ഥന് ലാത്തിവീശുന്ന ചിത്രമാണ് രാഹുല് ഗാന്ധി പങ്കുവച്ചിരുന്നത്. ഇത് വളരെ ദുഃഖകരമായ ചിത്രമാണ്. ജയ് ജവാന് ജയ് കിസാന് എന്നായിരുന്നു നമ്മുടെ മുദ്രാവാക്യം. പ്രധാനമന്ത്രി മോദിയുടെ അഹങ്കാരം ജവാന് കര്ഷകനെതിരേ നിലകൊള്ളുന്ന സ്ഥിതിയിലെത്തിച്ചുവെന്നും രാഹുല് ട്വീറ്റ് ചെയ്തിരുന്നു. ഇതിനെതിരേയാണ് അമിത് മാളവ്യ രംഗത്തുവന്നത്. രാഹുല് ഗാന്ധി പങ്കുവച്ച ചിത്രം ദുരുദ്ദേശ്യത്തോടുകൂടിയുള്ളതാണെന്നും കര്ഷകനെ ജവാന് സ്പര്ശിക്കുക പോലും ചെയ്തിട്ടില്ലെന്നും വിശദീകരിച്ചുകൊണ്ട് അമിത് മാളവ്യ വീഡിയോ ട്വിറ്ററില് പോസ്റ്റും ചെയ്തു.
Rahul Gandhi must be the most discredited opposition leader India has seen in a long long time. https://t.co/9wQeNE5xAP pic.twitter.com/b4HjXTHPSx
— Amit Malviya (@amitmalviya) November 28, 2020
വസ്തുതാ പരിശോധന നടത്തിയെന്നും പ്രചാരണവും യാഥാര്ഥ്യം ഇതാണെന്നും സമര്ഥിച്ചുകൊണ്ടായിരുന്നു മാളവ്യയുടെ ട്വീറ്റ്. എന്നാല്, യഥാര്ഥ വീഡിയോയില് കൃത്രിമം നടത്തിയാണ് അമിത് മാളവ്യ പോസ്റ്റ് ചെയ്തിരിക്കുന്നത് എന്നാണ് ട്വിറ്റര് കണ്ടെത്തിയിരിക്കുന്നത്. ആള്ട്ട് ന്യൂസിന്റെ ഫാക്ട് വിഭാഗവും യഥാര്ഥ വീഡിയോയുടെ പൂര്ണരൂപം പുറത്തുവിട്ടു. ഇതില് പോലിസുകാര് പ്രതിഷേധക്കാര്ക്ക് നേരെ ലാത്തിവീശുന്നുവെന്ന് വ്യക്തമാണ്.
Lol @amitmalviya how does this feel?
— Lavanya Ballal | ಲಾವಣ್ಯ ಬಲ್ಲಾಳ್ (@LavanyaBallal) December 2, 2020
Is the IT cell going to ban Twitter pic.twitter.com/2XLZ4a722w
ക്രോപ്പ് ചെയ്ത വീഡിയോ ആണ് മാളവ്യ തന്റെ ട്വീറ്റിനൊപ്പം ഉപയോഗിച്ചതെന്നും മനസ്സിലായി. ഇതോടെ മാളവ്യയ്ക്കെതിരേ ട്വിറ്ററില് നിരവധി പേരാണ് വിമര്ശനവുമായി രംഗത്തുവന്നിരിക്കുന്നത്. കൃത്രിമവും വ്യാജവുമായ മാധ്യമസംവിധാനങ്ങള് പ്രോല്സാഹിപ്പിക്കരുതെന്നാണ് ട്വിറ്ററിന്റെ നയം. ഇത്തരത്തില് കെട്ടിച്ചമച്ചതും മാറ്റങ്ങള് വരുത്തിയതുമായ വീഡിയോയും ചിത്രങ്ങളും നീക്കംചെയ്യുമെന്നും ട്വിറ്റര് വ്യക്തമാക്കിയിട്ടുണ്ട്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
