പൗരത്വ ഭേദഗതി ബില്ല്: മോദിക്ക് മുന്നില്‍ വച്ച് ആത്മഹത്യ ചെയ്യുമെന്ന് ബിജെപി സ്ഥാനാര്‍ഥി

ഷില്ലോങ്: പൗരത്വ ഭേദഗതി ബില്ല് നടപ്പിലാക്കുകയാണെങ്കില്‍ ആത്മഹത്യ ചെയ്യുമെന്ന് മേഘാലയിലെ ബിജെപി സ്ഥാനാര്‍ഥി സന്‍ബോര്‍ ഷുല്ലൈ. ഞാന്‍ ജീവിച്ചിരിക്കുന്നിടത്തോളം കാലം വടക്ക് കിഴക്കന്‍ സംസ്ഥാനങ്ങളില്‍ പൗരത്വ ഭേദഗതി ബില്‍ നടപ്പാക്കാന്‍ സമ്മതിക്കില്ലെന്നും, നടപ്പാക്കിയാല്‍ പ്രധാനമന്ത്രി നരേന്ദ്ര മോദിക്ക് മുന്നില്‍ വച്ച് ആത്മഹത്യ ചെയ്യുമെന്നും അദ്ദേഹം പറഞ്ഞു.

അതേസമയം പൗരത്വ ബില്ല് കേന്ദ്രം രാജ്യസഭയില്‍ പാസാക്കിയാല്‍ ബിജെപി വിടുമെന്ന് ഷുല്ലൈ നേരത്തെ പറഞ്ഞിരുന്നു. മേഘാലയില്‍ പൗരത്വ ബില്ലിനെതിരേ നടന്ന പ്രതിഷേധ റാലിയില്‍ പങ്കെടുത്തു സംസാരിക്കികയായിരുന്നു അദ്ദേഹം.