ഫരീദാബാദില്‍ മുതിര്‍ന്ന ഉദ്യോഗസ്ഥന്‍ സ്വയം വെടിവച്ച നിലയില്‍

ഫരീദാബാദ്: ഹരിയാനയിലെ ഫരീദാബാദില്‍ മുതിര്‍ന്ന ഉദ്യോഗസ്ഥന്‍ ജീവനൊടുക്കിയ നിലയില്‍. ഫരീദാബാദ് ഡെപ്യൂട്ടി കമ്മീഷണര്‍ വിക്രം കപൂറാണ് തന്റെ സര്‍വീസ് റിവോള്‍വര്‍ ഉപയോഗിച്ച് സ്വയം വെടിവച്ച നിലയില്‍ കണ്ടെത്തിയത്. അടുത്ത വര്‍ഷം സര്‍വീസില്‍ നിന്ന് വിരമിക്കാനിരിക്കേയാണ് കപൂര്‍. കഴിഞ്ഞ വര്‍ഷമാണ് ഇദ്ദേഹത്തിനെ ഐപിഎസ് ഉദ്യോഗസ്ഥനായി സ്ഥാനക്കയറ്റം നല്‍കിയത്. കഴിഞ്ഞ കുറച്ച് ദിവസങ്ങളായി വിക്രം കപൂര്‍ അസ്വസ്ഥനായിരുന്നുവെന്ന് സഹപ്രവര്‍ത്തകര്‍ പറഞ്ഞു. എന്നാല്‍ ആത്മഹത്യയ്ക്ക് കാരണം വ്യക്തമായിട്ടില്ലെന്നും സംഭവത്തില്‍ അന്വേഷണം ആരംഭിച്ചതായും പോലിസ് അറിയിച്ചു.