സംവരണം: സുപ്രിംകോടതി ഉത്തരവ് കേന്ദ്രസര്‍ക്കാരിന്റെ ഒത്തുകളിയുടെ ഭാഗമെന്ന് എ എം ആരിഫ് എംപി

ന്യൂഡല്‍ഹി: പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ന്യൂനപക്ഷങ്ങള്‍ക്കും സംവരണം നല്‍കണമെന്ന് പറയാന്‍ കോടതിക്കാവില്ലെന്ന് ഉത്തരവിട്ട കോടതി ഉത്തരവ് കേന്ദ്രസര്‍ക്കാരിന്റെ ഒത്തുകളിയുടെ ഭാഗമാണെന്ന് എ എം ആരിഫ് എംപി. ഇതിനെതിരേ കേന്ദ്രസര്‍ക്കാര്‍ റിവ്യൂ പെറ്റീഷന്‍ നല്‍കണമെന്നും അദ്ദേഹം പറഞ്ഞു.

പട്ടികജാതി- വര്‍ഗ, ന്യൂനപക്ഷ വിഭാഗങ്ങളുടെ സര്‍ക്കാര്‍ സംവരണം ഉറപ്പാക്കാന്‍ നിയനിര്‍മാണം നടത്താന്‍ കേന്ദ്രസര്‍ക്കാര്‍ തയ്യാറാവണമെന്ന് സിപിഎം പ്രതിനിധിയായി ലോക്‌സഭയില്‍ അടിയന്തരപ്രമേയത്തിന്‍മേലുള്ള ചര്‍ച്ചയില്‍ പങ്കെടുത്ത് എ എം ആരിഫ് പറഞ്ഞു.