പുല്‍വാമയില്‍ സിആര്‍പിഎഫ് ക്യാംപിന് നേര്‍ക്കു ആക്രമണം

ജമ്മുകശ്മീര്‍: 40 സിആര്‍പിഎഫ് ജവാന്‍മാര്‍ സായുധാക്രമണത്തില്‍ കൊല്ലപ്പെട്ട പുല്‍വാമയില്‍ സിആര്‍പിഎഫ് ക്യാംപിന് നേരെ ഗ്രനേഡ് ആക്രമണം. ആക്രമണത്തില്‍ ഒരു ജവാന് പരിക്കേറ്റതായി സൈനിക വൃത്തങ്ങള്‍ അറിയിച്ചു. ബാരാമുല്ലയിലും ജവാന്‍മാര്‍ക്കു നേരെ സായുധാക്രമണമുണ്ടായതായും ഇവിടെ നടന്ന വെടിവപ്പില്‍ ഒരു ഗ്രാമവാസി കൊല്ലപ്പെട്ടതായും റിപോര്‍ട്ടുകളുണ്ട്. ഫെബ്രുവരി 14നാണ് പുല്‍വാമയില്‍ സിആര്‍പിഎഫ് വാഹന വ്യൂഹത്തിന് നേരെ സായുധാക്രമണമുണ്ടായത്.