ജാര്‍ഖണ്ഡില്‍ ഏറ്റുമുട്ടല്‍: മൂന്ന് മാവോവാദികള്‍ കൊല്ലപ്പെട്ടു

റാഞ്ചി: ജാര്‍ഖണ്ഡിലെ ഗുംല ജില്ലയില്‍ സുരക്ഷാസേനയും മാവോവാദികളും തമ്മില്‍ നടന്ന ഏറ്റുമുട്ടലില്‍ മൂന്ന് മാവോവാദികള്‍ കൊല്ലപ്പെട്ടു. ഇന്ന് രാവിലെ മവോവാദികളുടെ ഒളിസങ്കേതത്തില്‍ കടന്നാണ് സുരക്ഷാസേന ആക്രമണം നടത്തിയത്. സിആര്‍പിഎഫിന്റെ 209 കോബ്ര ബറ്റാലിയനാണ് ഓപറേഷന്‍ ആസൂത്രണം ചെയ്തത്. കീഴടങ്ങാന്‍ ആവശ്യപ്പെട്ടെങ്കിലും മാവോവാദികള്‍ തിരികെ വെടിവയ്ക്കുകയായിരുന്നു. സംഭവസ്ഥലത്തുനിന്ന് സുരക്ഷാസേന രണ്ട് എകെ 47 തോക്കുകളും മൂന്ന് റൈഫിളുകളും സ്‌ഫോടകവസ്തുക്കളും കണ്ടെടുത്തു.