ഡല്ഹി തിരഞ്ഞെടുപ്പ്: ബിജെപി നേതാവിന്റെ 'മിനി പാകിസ്താന്' ട്വീറ്റ് പിന്വലിക്കണമെന്ന് തിരഞ്ഞെടുപ്പ് കമ്മീഷന്
പാകിസ്താനിലേക്കുള്ള പ്രവേശനം ഷഹീന്ബാഗിലൂടെയാണ്, ഡല്ഹിയില് മിനി പാകിസ്താന് നിര്മിക്കപ്പെടുന്നുണ്ട്. ഷഹീന് ബാഗ്, ചന്ദ്ബാഗ്, ഇന്റര്ലോക് നിയമം പാലിക്കുന്നില്ല, പാകിസ്താന് കലാപകാരികള് റോഡ് പിടിച്ചെടുത്തിരിക്കുന്നു- കപില് മിശ്ര ഹിന്ദിയില് ട്വീറ്റ് ചെയ്തു.
ന്യൂഡല്ഹി: ഡല്ഹി നിയമസഭാ തിരഞ്ഞെടുപ്പുമായി ബന്ധപ്പെട്ട് ബിജെപി നേതാവ് കപില് മിശ്രയുടെ മതസ്പര്ധ വളര്ത്തുന്ന ട്വീറ്റിനെതിരേ തിരഞ്ഞെടുപ്പ് കമ്മീഷന് രംഗത്ത്. കപില് മിശ്രയുടെ ട്വീറ്റ് എത്രയുംവേഗം നീക്കം ചെയ്യണമെന്ന് കമ്മീഷന് ട്വിറ്റര് അധികൃതരോട് നേരിട്ടാവശ്യപ്പെട്ടു. പൗരത്വനിയമ ഭേദഗതിക്കെതിരായി നടക്കുന്ന പ്രതിഷേധങ്ങളെക്കുറിച്ചുള്ള ട്വീറ്റില് മിനി പാകിസ്താന് എന്ന് കപില് മിശ്ര പ്രയോഗിച്ചിരുന്നു. ഇത് എതിര്ക്കേണ്ടതാണെന്നും നീക്കം ചെയ്യണമെന്നും തിരഞ്ഞെടുപ്പ് കമ്മീഷന് ആവശ്യപ്പെട്ടു. പൗരത്വ നിയമഭേദഗതിക്കെതിരേ പ്രതിഷേധം നടക്കുന്ന ഷഹീന്ബാഗ് പാകിസ്താനിലേക്കുള്ള പ്രവേശന കവാടമാണെന്നായിരുന്നു ട്വീറ്റില് പറഞ്ഞിരുന്നത്.
പാകിസ്താനിലേക്കുള്ള പ്രവേശനം ഷഹീന്ബാഗിലൂടെയാണ്, ഡല്ഹിയില് മിനി പാകിസ്താന് നിര്മിക്കപ്പെടുന്നുണ്ട്. ഷഹീന് ബാഗ്, ചന്ദ്ബാഗ്, ഇന്റര്ലോക് നിയമം പാലിക്കുന്നില്ല, പാകിസ്താന് കലാപകാരികള് റോഡ് പിടിച്ചെടുത്തിരിക്കുന്നു- കപില് മിശ്ര ഹിന്ദിയില് ട്വീറ്റ് ചെയ്തു. മിശ്രയുടെ മറ്റൊരു ട്വീറ്റില് ഡല്ഹിയില് ഫെബ്രുവരി എട്ടിന് നടക്കാനിരിക്കുന്ന തിരഞ്ഞെടുപ്പ് ഇന്ത്യയും പാകിസ്താനും തമ്മിലുള്ള ഏറ്റുമുട്ടലാണെന്നും കപില് മിശ്ര കുറിച്ചിരുന്നു. ഒരുദിവസത്തിനുള്ളില് വിശദീകരണം നല്കണമെന്നാവശ്യപ്പെട്ട് മിശ്രയ്ക്കും തിരഞ്ഞെടുപ്പ് കമ്മീഷന് നോട്ടീസ് നല്കിയിട്ടുണ്ട്. അതേസമയം, മൂന്നുദിവസത്തെ സമയം നല്കണമെന്ന് മിശ്ര ആവശ്യപ്പെട്ടിരുന്നു.
നോട്ടീസ് ലഭിച്ചെന്നും തന്റെ വാക്കുകളില് ഉറച്ചുനില്ക്കുന്നുവെന്നുമായിരുന്നു ഇതിനോടുള്ള മിശ്രയുടെ പ്രതികരണം. തന്റെ മറുപടി ഇന്നുതന്നെ നല്കും. താന് എന്തെങ്കിലും തെറ്റുപറഞ്ഞതായി കരുതുന്നില്ല. ഈ രാജ്യത്ത് സത്യം പറയുന്നത് ഒരു കുറ്റമല്ല. താന് സത്യം പറഞ്ഞു. തന്റെ പ്രസ്താവനയില് ഉറച്ചുനില്ക്കുന്നു- ഡല്ഹി നിയമസഭാ തിരഞ്ഞെടുപ്പില് ബിജെപിയുടെ സ്ഥാനാര്ഥി കൂടിയായ കപില് മിശ്ര പ്രതികരിച്ചു. മോഡല് ടൗണില്നിന്നാണ് മിശ്ര മല്സരിക്കുന്നത്. ആം ആദ്മി പാര്ട്ടി അംഗമായിരുന്ന കപില്, കഴിഞ്ഞ ആഗസ്തിലാണ് ബിജെപിയില് ചേര്ന്നത്. അരവിന്ദ് കേജ്രിവാള് മന്ത്രിസഭയില് അംഗമായിരുന്ന കപില്, പാര്ട്ടി വിട്ടതിനു പിന്നാലെ കേജ്രിവാളിനെതിരേ അഴിമതിയാരോപണം ഉന്നയിച്ചിരുന്നു.
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMT