സാക്കിര് നായിക്കിനെതിരേ റെഡ് കോര്ണര് നോട്ടീസ് പുറപ്പെടുവിക്കാന് ഇഡി വീണ്ടും ഇന്റര്പോളിനെ സമീപിച്ചു
ഇന്റര്പോള് റെഡ് കോര്ണര് നോട്ടീസ് പുറപ്പെടുവിക്കുകയാണെങ്കില് അംഗരാജ്യങ്ങളെല്ലാം കുറ്റവാളികളെ കൈമാറണമെന്നാണു നിയമം.
ന്യൂഡല്ഹി: പ്രമുഖ ഇസ്ലാമിക പ്രഭാഷകന് സാക്കിര് നായിക്കിനെതിരേ എന്ഫോഴ്സ്മെന്റ് ഡയറക്ടറേറ്റ് വീണ്ടും ഇന്റര്പോളിനെ സമീപിച്ചു. മുംബൈയിലെ പ്രത്യേക കോടതി ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചതിനു പിന്നാലെയാണ് എന്ഫോഴ്സ്മെന്റ് ഡയറക്ടറേറ്റ് വീണ്ടും ഇന്റര്പോളിനെ സമീപിച്ചത്. സാക്കിര് നായിക്കിനെ മലേസ്യയില് നിന്നു വിട്ടുകിട്ടാനും അദ്ദേഹത്തിനെതിരേ റെഡ് കോര്ണര് നോട്ടീസ് പുറപ്പെടുവിക്കണമെന്ന് ആവശ്യപ്പെട്ടുമാണ് ഇഡി അപേക്ഷ നല്കിയിട്ടുള്ളത്. ഇന്റര്പോള് റെഡ് കോര്ണര് നോട്ടീസ് പുറപ്പെടുവിക്കുകയാണെങ്കില് അംഗരാജ്യങ്ങളെല്ലാം കുറ്റവാളികളെ കൈമാറണമെന്നാണു നിയമം. മലേസ്യ ഇന്റര്പോളിന്റെ അംഗരാഷ്ട്രമായതിനാല് അവര്ക്ക് സാകിര് നായികിനെ ഇന്ത്യയിലെ എന്ഫോഴ്സ്മെന്റ് ഡയറക്ടറേറ്റിനു കൈമാറേണ്ടി വരും. മാത്രമല്ല, ഇന്ത്യയുമായി കുറ്റവാളികളെ കൈമാറ്റം ചെയ്യുന്നതിനുള്ള കരാറില് 2010ല് മലേസ്യ ഒപ്പുവയ്ക്കുകയും ചെയ്തിരുന്നു. നേരത്തേ, അനധികൃത പണമിടപാട് നടത്തിയെന്നാരോപിച്ച് സാകിര് നായികിനെതിരേ എന്ഫോഴ്സ്മെന്റ് ഡയറക്ടറേറ്റ് കുറ്റപത്രം സമര്പ്പിച്ചിരുന്നു. സാക്കിര് നായിക്ക് വിദേശത്തും സ്വദേശത്തുമായി 193 കോടിയുടെ അനധികൃത ഇടപാട് നടത്തിയെന്നാണ് കേസ്. ഇതിനുപുറമെ, 50 കോടിയിലേറെ വില വരുന്ന സ്വത്തുക്കള് എന്ഫോഴ്സ്മെന്റ് വിഭാഗം ഈയിടെ കണ്ടുകെട്ടിയിരുന്നു.
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMT