ഡല്‍ഹിയില്‍ സീസണിലെ റെക്കോര്‍ഡ് ചൂട്

ന്യൂഡല്‍ഹി: രാജ്യ തലസ്ഥാനം ചുട്ടു പൊള്ളുന്നു. 43 ഡിഗ്രി സെല്‍ഷ്യസാണ് ഇന്നലെ ഡല്‍ഹിയില്‍ രേഖപ്പെടുത്തിയ ചൂട്. ഈ സീസണിലെ ഏറ്റവും ഉയര്‍ന്ന ചൂടാണിതെന്നും ഈ മാസം അവസാനം വരെ മഴക്കു സാധ്യതയില്ലാത്തതിനാല്‍ ചൂട് കൂടാന്‍ സാധ്യതയുണ്ടെന്നും കാലാവസ്ഥാ നിരീക്ഷണ വിഭാഗം അറിയിച്ചു. രാജസ്ഥാന്‍, മധ്യപ്രദേശ്, മഹാരാഷ്്ട്ര തുടങ്ങിയ സംസ്ഥാനങ്ങളിലും അടുത്ത ദിവസങ്ങളില്‍ ഉഷ്ണ തരംഗം ശക്തി പ്രാപിക്കും. ഈ സംസ്ഥാനങ്ങളിലും ഡല്‍ഹിയിലും ശക്തമായ പൊടിക്കാറ്റിനും സാധ്യതയുണ്ടെന്നും അധികൃതര്‍ അറിയിച്ചു.