സഖ്യരൂപീകരണം: കോണ്‍ഗ്രസ് ഇനിയും പഠിക്കേണ്ടതുണ്ടെന്നു അഖിലേഷ്

ലഖ്‌നോ: സഖ്യരൂപീകരണത്തില്‍ കോണ്‍ഗ്രസ് ഇനിയുമേറെ പഠിക്കേണ്ടതുണ്ടെന്നും മറ്റു പാര്‍ട്ടികളെ സഹായിക്കാനാണ് അവര്‍ ശ്രമിക്കേണ്ടതെന്നും സമാജ് വാദി പാര്‍ട്ടി അധ്യക്ഷന്‍ അഖിലേഷ് യാദവ്. വളരെ വലിയ പാര്‍ട്ടിയായ കോണ്‍ഗ്രസ് സഖ്യ രൂപീകരണം പോലുള്ള കാര്യങ്ങളില്‍ ഇനിയും കൂടുതല്‍ ശ്രദ്ധിക്കണം. ചെറിയ പാര്‍ട്ടികളെ സാഹിയിക്കണം. ബംഗാളില്‍ മമതയെയും ഡല്‍ഹിയില്‍ കെജരിവാളിനെയുമടക്കം സഹായിക്കണം. അവരെ പിന്തുണക്കണമെന്നും അഖിലേഷ് പറഞ്ഞു. സഖ്യ കക്ഷികളെ ബഹുമാനിക്കണം. എത്ര സമ്മര്‍ദം നേരിട്ടാലും സഖ്യം തകരാന്‍ ബിജെപി സമ്മതിക്കാറില്ല. ഇതില്‍ നിന്നെല്ലാം പാഠമുള്‍കൊള്ളാന്‍ കോണ്‍ഗ്രസ് തയ്യാറാവണം. ബിഹാറിലടക്കം ബിജെപിയെടുത്ത രീതി പഠിക്കേണ്ടതുണ്ടെന്നും അഖിലേഷ് കൂട്ടിച്ചേര്‍ത്തു