കര്‍ണാടക: തിരഞ്ഞെടുപ്പിലെ കോണ്‍ഗ്രസ് പരാജയം ജെഡി(എസ്) സഖ്യം മൂലമെന്നു വീരപ്പമൊയ്‌ലി

ബംഗ്ലൂരു: ലോക്‌സഭാ തിരഞ്ഞെടുപ്പില്‍ കര്‍ണാടകയില്‍ കോണ്‍ഗ്രസ് കനത്ത തോല്‍വി ഏറ്റുവാങ്ങാന്‍ കാരണമായത് ജനതാദള്‍ സെക്യുലറുമായുള്ള സഖ്യമാണെന്നു മുതിര്‍ന്ന കോണ്‍ഗ്രസ് നേതാവ് വീരപ്പമൊയ്‌ലി.

ജെഡി(എസ്)മായുള്ള സഖ്യം തിരഞ്ഞെടുപ്പില്‍ വിപരീത ഫലമാണുണ്ടാക്കിയത്. താനടക്കമുള്ളവര്‍ തോല്‍ക്കാന്‍ കാരണം ജെഡി(എസ്)മായുള്ള സഖ്യമാണ്. പ്രചരണ സമയത്തൊന്നും ജെഡി(എസ്) പ്രവര്‍ത്തകര്‍ കോണ്‍ഗ്രസിനെ പിന്തുണച്ചില്ല. ഇത് പാഠം പടിക്കാന്‍ പറ്റിയ സമയമാണ്. പാര്‍ട്ടിയെ വീണ്ടും കെട്ടിപ്പടുക്കണമെന്നും വീരപ്പമൊയ്‌ലി പറഞ്ഞു.

ഇക്കഴിഞ്ഞ ലോക്‌സഭാ തിരഞ്ഞെടുപ്പില്‍ സംസ്ഥാനത്തെ 28 സീറ്റുകളില്‍ രണ്ടെണ്ണം മാത്രമാണ് കോണ്‍ഗ്രസ്-ജെഡി(എസ്) സഖ്യത്തിനു നേടാനായത്.