തമിഴ്നാട്ടില്‍ പടക്ക ഗോഡൗണില്‍ സ്ഫോടനം; അഞ്ചു പേര്‍ മരിച്ചു; 10 പേര്‍ക്ക് പരിക്ക്

ചെന്നൈ: തമിഴ്നാട്ടിലെ കൃഷ്ണഗിരിയിലെ പടക്ക ഗോഡൗണിലുണ്ടായ സ്ഫോടനത്തില്‍ 5 പേര്‍ മരിച്ചു. പത്തുപേര്‍ക്ക് പരിക്കേറ്റു. സ്ഫോടനത്തിന്റെ ആഘാതത്തില്‍ 3 വീടുകള്‍ ഭാഗികമായി തകര്‍ന്നു. ജനവാസ മേഖലയ്ക്കിടയില്‍ സ്ഥിതി ചെയ്യുന്ന സ്വകാര്യവ്യക്തിയുടെ ഗോഡൗണിലാണ് സ്ഫോടനമുണ്ടായത്.റോഡിലൂടെ പോയ വാഹനങ്ങള്‍ക്കടക്കം കേടുപാടുകളുണ്ടെന്നാണ് റിപ്പോര്‍ട്ട്. അരക്കിലോമീറ്റര്‍ ചുറ്റളവില്‍ പുക നിറഞ്ഞിരിക്കുകയാണ്. ആളുകള്‍ കുടുങ്ങിക്കിടപ്പുണ്ടോയെന്നതില്‍ വ്യക്തതയില്ല. പരുക്കേറ്റവരെ ആശുപത്രികളില്‍ പ്രവേശിപ്പിച്ചു. രക്ഷാപ്രവര്‍ത്തനം പുരോഗമിക്കുകയാണ്. അപകടകാരണം വ്യക്തമല്ല.