ഛത്തീസ്ഗഡില്‍ ട്രക്ക് മറിഞ്ഞ് ആറുപേര്‍ മരിച്ചു

റായ്പൂര്‍: ഛത്തീസ്ഗഡില്‍ വിവാഹ പാര്‍ട്ടി സഞ്ചരിച്ചിരുന്ന മിനി ട്രക്ക് മറിഞ്ഞ് ആറുപേര്‍ മരിച്ചു. 15 പേര്‍ക്ക് പരിക്കേറ്റു. ഛത്തീസ്ഗഡിലെ ബലോഡബസാറില്‍ വ്യാഴാഴ്ച വൈകുന്നേരമായിരുന്നു സംഭവമെന്ന് പോലിസ് പറഞ്ഞു. ഡ്രൈവര്‍ക്ക് വാഹനത്തിന്റെ നിയന്ത്രണം നഷ്ടപ്പെട്ടതാണ് അപകടകാരണം.

നിയന്ത്രണം നഷ്ടപ്പെട്ട ട്രക്ക് റോഡരികിലെ കുഴിയിലേക്ക് മറിയുകയായിരുന്നു. വിവാഹത്തില്‍ പങ്കെടുത്ത് മടങ്ങിവരികയായിരുന്നു 25 പേര്‍ അടങ്ങുന്ന സംഘം. അഞ്ചുപേര്‍ സംഭവസ്ഥലത്തുവച്ചു തന്നെ മരിച്ചിരുന്നു. പരിക്കേറ്റവരെ കസ്‌ദോളിലെ ആശുപത്രിയില്‍ പ്രവേശിപ്പിച്ചു.