കല്‍പറ്റയില്‍ പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു

കല്‍പറ്റ: കൈനാട്ടിയില്‍ പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു. മാനന്തവാടി അഞ്ചുകുന്ന് സ്വദേശി എടവലന്‍ നാസര്‍-നസീമ ദമ്പതികളുടെ മകന്‍ സജീര്‍(32) ആണ് മരിച്ചത്. വെള്ളമുണ്ട സ്വദേശി നൗഫലിന് പരിക്കേറ്റു. വെള്ളമുണ്ടയിലെ പികെകെ ഫുഡ് പ്രൊഡക്റ്റ് കമ്പനിയുടെ പിക്കപ്പിലെ ഡ്രൈവറായിരുന്നു സജീര്‍. ഇടിയുടെ ആഘാതത്തില്‍ വാഹനത്തില്‍നിന്ന് പുറത്തേക്ക് തെറിച്ചുവീണ സജീറിന് ഗുരുതരമായി പരിക്കേറ്റു. സജീര്‍ സംഭവ സ്ഥലത്ത് തന്നെ മരിച്ചു. എസ് ഡിപി ഐ മാനന്തവാടി പനമരം പഞ്ചായത്ത് കുണ്ടാല ബ്രാഞ്ച് അംഗമാണ്. നൗഫലിനെ കല്‍പറ്റയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.