കൊല്ക്കത്തയില് യുവ മോഡല് മരിച്ച നിലയില്
കൊല്ക്കത്ത: കൊല്ക്കത്തയിലെ അപ്പാര്ട്ട്മെന്റില് യുവ മോഡലിനെ മരിച്ച നിലയില് കണ്ടെത്തി. യുവ മോഡലും നടിയുമായ 21കാരിയായ ബിദിഷ മജുംദെറിനെയാണ് മരിച്ച നിലയില് കണ്ടെത്തിയത്. കൊല്ക്കത്തയിലെ നാഗര് ബസാറിലുള്ള അപ്പാര്ട്ട്മെന്റില് ബുധനാഴ്ച വൈകുന്നേരമാണ് മൃതദേഹം കണ്ടെത്തിയത്. സംശയം തോന്നിയ അയല്ക്കാര് വാതില് തകര്ത്ത് അകത്തുകടന്നതോടെയാണ് തൂങ്ങി മരിച്ച നിലയില് മൃതദേഹം കണ്ടെത്തിയതെന്ന് പോലിസ് പറഞ്ഞു.
അവസരങ്ങള് കുറഞ്ഞതാണ് ജീവനൊടുക്കാന് പ്രേരിപ്പിച്ചതെന്ന് മൃതദേഹത്തിന്റെ സമീപത്തുനിന്ന് കണ്ടെത്തിയ കത്തില് പറയുന്നു. കൈയക്ഷര വിദഗ്ധര് കത്ത് വിശദമായി പരിശോധിക്കുമെന്ന് പോലിസിനെ ഉദ്ധരിച്ച് വാര്ത്താ ഏജന്സിയായ പിടിഐ റിപോര്ട്ട് ചെയ്തു. കൊല്ക്കത്തയിലെ ബ്രൈഡല് മേക്കപ്പ് ഫോട്ടോ ഷൂട്ടുകളിലെ ജനപ്രിയ മുഖമായിരുന്നു മരിച്ച ബിദിഷ. 2021ല് 'ഭാര് ദ ക്ലൗണ്' എന്ന ഹ്രസ്വചിത്രത്തിലൂടെയാണ് ബിദിഷ ഡി മജുംദാര് ആദ്യമായി അഭിനയിച്ചത്.
സംഭവത്തില് മോഡലിങ് രംഗത്തുനിന്നുള്ളവര് ദു:ഖം രേഖപ്പെടുത്തി. മൃതദേഹം പോസ്റ്റ്മോര്ട്ടത്തിനായി ആര്ജികെ ആശുപത്രിയിലേക്ക് പോലിസ് മാറ്റിയിട്ടുണ്ട്. വളര്ന്നുവരുന്ന നടിയുടെ ആത്മഹത്യയുടെ കാരണം പോലിസ് അന്വേഷിച്ചുവരികയാണ്. ബംഗാളിലെ പ്രശസ്ത ടിവി താരമായ പല്ലഭി ദേയേയും ദിവസങ്ങള്ക്ക് മുമ്പ് മരിച്ച നിലയില് കണ്ടെത്തിയിരുന്നു. അവരുടെ മരണത്തെക്കുറിച്ചുള്ള പോലിസ് അന്വേഷണം ഇപ്പോഴും തുടരുകയാണ്.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT