യുപിയില്‍ 17 കാരിയെ രണ്ട് പേര്‍ ചേര്‍ന്ന് ബലാത്സംഗം ചെയ്തു

മുസഫര്‍നഗര്‍: ഉത്തര്‍പ്രദേശില്‍ 17കാരിയെ ബലാത്സംഗം ചെയ്ത സംഭവത്തില്‍ ഒരാള്‍ അറസ്റ്റില്‍. മുസഫര്‍നഗറിലെ കവാല്‍ ഗ്രാമത്തിലാണ് പെണ്‍കുട്ടിയെ രണ്ട് പേര്‍ ചേര്‍ന്ന് ബലാത്സംഗം ചെയ്തത്. പുറത്ത് പറഞ്ഞാല്‍ കൊല്ലുമെന്ന് ഭീഷണിപ്പെടുത്തുകയും ചെയ്തതായി പരാതിയില്‍ പറയുന്നു.

വീടിനടുത്ത ഒഴിഞ്ഞ സ്ഥലത്ത് മാലിന്യം നിക്ഷേപിക്കാന്‍ പോയ പെണ്‍കുട്ടിയെ ബിജേന്ദര്‍, റബ്ബാല്‍ എന്നിവര്‍ ചേര്‍ന്ന് പീഡിപ്പിക്കുകയായിരുന്നു. പ്രതികളില്‍ റബ്ബാല്‍ പിടിയിലായതായി പോലിസ് അറിയിച്ചു. മറ്റയാള്‍ ഒളിവിലാണെന്നും അന്വേഷണം ഊര്‍ജ്ജിതമാക്കിയതായും പോലിസ് പറഞ്ഞു.