മാളയില്‍ 44 പേര്‍ക്ക് കൊവിഡ്

മാള: മാള ഗ്രാമപഞ്ചായത്തില്‍ 167പേരില്‍ നടത്തിയ ആന്റിജന്‍ പരിശോധനയില്‍ 46 പേര്‍ക്ക് കൊവിഡ് പോസിറ്റീവായി. ഇതോടെ ഗ്രാമപഞ്ചായത്തില്‍ ചികിത്സയിലുള്ളവരുടെ എണ്ണം 120 ആയി.

കുന്നത്ത്കാട്, വടമ, പഴൂക്കര മേഖലകളില്‍ നിന്നുള്ളവരാണ് ആന്റിജന്‍ ടെസ്റ്റിനെത്തിയത്. പുത്തന്‍ചിറ ഗ്രാമപഞ്ചായത്തില്‍ 29 പേരില്‍ നടത്തിയ ആന്റിജന്‍ പരിശോധനയില്‍ രണ്ട് പേര്‍ക്ക് കൊവിഡ് പോസിറ്റീവായി. പൊയ്യ ഗ്രാമപഞ്ചായത്തില്‍ 54 പേരില്‍ നടത്തിയ ആന്റിജന്‍ പരിശോധനയില്‍ എട്ട് പേര്‍ക്ക് കൊവിഡ് പോസിറ്റീവായി. അന്നമനട ഗ്രാമപഞ്ചായത്തിലെ വാളൂരില്‍ ഒരാള്‍ക്ക് കൊവിഡ് പോസിറ്റീവായിട്ടുണ്ട്.