കൗണ്‍സിലറെ തടഞ്ഞു നിര്‍ത്തി ഭീഷണിപ്പെടുത്തിയതായി പരാതി

തിരൂരങ്ങാടി: തിരൂരങ്ങാടി മുനിസിപ്പല്‍ കൗണ്‍സിലര്‍ പട്ടാളത്തില്‍ ഹംസക്ക് നേരെ ഭീഷണിയും കൊലവിളിയും നടത്തിയതായി പരാതി. തിരൂരങ്ങാടിയില്‍ സ്‌കൂള്‍ വിദ്യാര്‍ത്ഥിനിയെ സംഘം ചേര്‍ന്ന് പീഡിപ്പിച്ച കേസില്‍ പെണ്‍കുട്ടിയുടെ കുടുംബത്തിന് നിയമ സഹായം നല്‍കി എന്നാരോപിച്ചാണ് പ്രതിയുടെ സഹോദരന്‍ സിദ്ധീഖ് കൗണ്‍സിലറെ കൊല്ലുമെന്ന് ഭീഷണിപ്പെടുത്തിയത്.

ഇതിന് കുറച്ചു ദിവസം മുന്‍പ് ഇയാള്‍ റോഡില്‍ വെച്ച് കാര്‍ ബൈക്കിലിടിച്ചു കൗണ്‍സിലറെ അപായപ്പെടുത്താന്‍ ശ്രമിച്ചിരുന്നു. തന്നെ തടഞ്ഞു ഭീഷണിപ്പെടുത്തിയതിനെതിരേ തിരൂരങ്ങാടി പോലിസില്‍ പരാതി നല്‍കി.