Top

വോട്ടര്‍മാര്‍ കൂടുതല്‍ കടുത്തുരുത്തിയില്‍; കുറവ് കോട്ടയത്ത്

പൂഞ്ഞാര്‍ നിയോജക മണ്ഡലമാണ് വോട്ടര്‍മാരുടെ എണ്ണത്തില്‍ രണ്ടാം സ്ഥാനത്ത്. ഇവിടെ 1,74,365 വോട്ടര്‍മാരില്‍ 87,389 പേര്‍ പുരുഷന്‍മാരും 86,976 പേര്‍ സ്ത്രീകളുമാണ്.

വോട്ടര്‍മാര്‍ കൂടുതല്‍ കടുത്തുരുത്തിയില്‍; കുറവ് കോട്ടയത്ത്
X

കോട്ടയം: ജില്ലയിലെ ഒമ്പത് നിയമസഭാ മണ്ഡലങ്ങളില്‍ ഏറ്റവും കൂടുതല്‍ വോട്ടര്‍മാരുളളത് കടുത്തുരുത്തിയില്‍. ഇവിടെ ആകെയുള്ള 1,77,609 വോട്ടര്‍മാരില്‍ 89,975 പേര്‍ വനിതാ വോട്ടര്‍മാരും 87,632 പേര്‍ പുരുഷ വോട്ടര്‍മാരും രണ്ടുപേര്‍ ഇതരലിംഗ വിഭാഗത്തില്‍ പെട്ടവരുമാണ്. ഏറ്റവും കുറവ് വോട്ടര്‍മാര്‍ കോട്ടയം നിയോജകമണ്ഡലത്തിലാണ്. 78,431 വനിതകളും 73,843 പുരുഷന്‍മാരും ഇതരലിംഗ വിഭാഗത്തില്‍പെട്ട ഒരാളും ഉള്‍പ്പടെ 1,52,275 വോട്ടര്‍മാരാണ് ഇവിടെയുള്ളത്.

പൂഞ്ഞാര്‍ നിയോജക മണ്ഡലമാണ് വോട്ടര്‍മാരുടെ എണ്ണത്തില്‍ രണ്ടാം സ്ഥാനത്ത്. ഇവിടെ 1,74,365 വോട്ടര്‍മാരില്‍ 87,389 പേര്‍ പുരുഷന്‍മാരും 86,976 പേര്‍ സ്ത്രീകളുമാണ്.പാലാ, കാഞ്ഞിരപ്പള്ളി, പുതുപ്പള്ളി, ചങ്ങനാശ്ശേരി, ഏറ്റുമാനൂര്‍, വൈക്കം എന്നിവിടങ്ങളില്‍ യഥാക്രമം 1,74,015, 1,73,345, 1,64,921, 1,61,171, 1,57,842, 1,57,168, വോട്ടമാര്‍മാര്‍ വീതമാണുള്ളത്. വോട്ടര്‍പട്ടികയില്‍ പേര് ചേര്‍ക്കുന്നതിന് മാര്‍ച്ച് 25 വരെ സമയം അനുവദിച്ചിട്ടുണ്ട്.

ജനുവരി ഒന്നിന് 18 വയസ് പൂര്‍ത്തിയായവര്‍ക്ക് എന്‍വിഎസ്പി പോര്‍ട്ടല്‍, അക്ഷയ കേന്ദ്രങ്ങള്‍ എന്നിവ മുഖേന വോട്ടര്‍പട്ടികയില്‍ പേരുചേര്‍ക്കാന്‍ സംവിധാനമൊരുക്കിയിട്ടുണ്ട്. പേര് ചേര്‍ക്കുന്നതിനുളള സമയപരിധി അവസാനിക്കുന്നതോടെ നിലവിലെ വോട്ടര്‍മാരുടെ എണ്ണത്തില്‍ വര്‍ധനവുണ്ടാവും. തിരഞ്ഞെടുപ്പുമായി ബന്ധപ്പെട്ട വിവരങ്ങള്‍ 1950 എന്ന ടോള്‍ ഫ്രീ നമ്പറില്‍ ലഭിക്കും. കലക്ടറേറ്റിലും താലൂക്ക്, വില്ലേജ് ഓഫിസുകളിലും ഒരുക്കിയിട്ടുള്ള ടച്ച് സ്‌ക്രീനുകളിലും വോട്ടര്‍പട്ടിക പരിശോധിക്കാം.

Next Story

RELATED STORIES

Share it