ചാലക്കുടി ലോക് സഭാമണ്ഡലം: എസ് ഡി പി ഐ കേന്ദ്ര തിരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്തു

ആലുവ: ചാലക്കുടി ലോക്‌സഭാ മണ്ഡലം എസ് ഡി പി ഐ സ്ഥാനാര്‍ഥി പി പി മൊയ്തീന്‍ കുഞ്ഞിന്റെ പ്രചാരണ പ്രവര്‍ത്തനങ്ങള്‍ ഏകോപിപ്പിക്കുതിനുള്ള കേന്ദ്ര ഓഫീസ് ആലുവ പാലസിന് സമീപം പ്രവര്‍ത്തനം ആരംഭിച്ചു. ചാലക്കുടി മണ്ഡലം തിരഞ്ഞെടുപ്പ് കമ്മിറ്റി ചെയര്‍മാനും എസ്ഡിപിഐ സംസ്ഥാന ജനറല്‍ സെക്രട്ടറിയുമായ റോയ് അറക്കല്‍ ഓഫീസിന്റെ ഉദ്ഘാടനം നിര്‍വ്വഹിച്ചു.

തിരഞ്ഞെടുപ്പ് കമ്മിറ്റി ജനറല്‍ കണ്‍വീനര്‍ അജ്മല്‍ കെ മുജീബ്, എസ് ഡി പി ഐ എറണാകുളം ജില്ലാ പ്രസിഡന്റ് ഷമീര്‍ മാഞ്ഞാലി, തൃശൂര്‍ ജില്ലാ പ്രസിഡന്റ് അബ്ദുല്‍ ലത്തീഫ്, പോപുലര്‍ ഫ്രണ്ട് ജില്ലാ പ്രസിഡന്റ് അബ്ദുല്‍ നാസര്‍ ബാഖവി, ,വിമണ്‍ ഇന്ത്യാ മൂവ് മെന്റ് ജില്ലാ പ്രസിഡന്റ് ബാബിയ ടീച്ചര്‍, ജില്ലാ ട്രഷറര്‍ സുധീര്‍ ഏലൂക്കര ,എസ് ഡി ടി യു സംസ്ഥാന സെക്രട്ടറി ഫസല്‍ റഹ്മാന്‍ ,റഷീദ് എടയപ്പുറം , നാസര്‍ എളമന പങ്കെടുത്തു