വോട്ടര്‍പട്ടിക ക്രമക്കേട്: കെപിസിസി സമിതിയുടെ കണ്ണൂര്‍ സന്ദര്‍ശനം മാറ്റി

കണ്ണൂര്‍: വോട്ടര്‍ പട്ടികയിലെ ക്രമക്കേട് സംബന്ധിച്ച് പഠിക്കാന്‍ നിയോഗിച്ച് കെപിസിസി സമിതിയുടെ കണ്ണൂര്‍ സന്ദര്‍ശനം മാറ്റി. നാളെ നടത്താന്‍ നിശ്ചയിച്ചിരുന്ന സന്ദര്‍ശനമാണ് മാറ്റിയത്. ജില്ലയിലെ വിവിധ ബൂത്തുകളില്‍ റീപോളിംഗ് പ്രഖ്യാപിച്ച സാഹചര്യത്തില്‍ സന്ദര്‍ശനം മാറ്റിവെച്ചതായി ഡിസിസി പ്രസിഡന്റ് സതീശന്‍ പാച്ചേനി അറിയിച്ചു.

വോട്ടര്‍പട്ടികയില്‍ നിന്നും യുഡിഎഫ് അനുഭാവികളുടെ വോട്ടുകള്‍ വ്യാപകമായി നീക്കം ചെയ്തതുമായി ബന്ധപ്പെട്ടുള്ള വോട്ടര്‍പട്ടികയിലെ ക്രമക്കേടുകളെക്കുറിച്ചും, കള്ളവോട്ടിനെക്കുറിച്ചും, പോസ്റ്റല്‍ ബാലറ്റിലെ ക്രമക്കേടിനെ സംബന്ധിച്ചും പഠിക്കാനാണ് കെപിസിസി സമിതിയെ നിയോഗിച്ചത്.