ഇസ്രായേല്‍ ആക്രമണത്തില്‍ ലബ്‌നാനില്‍ കൊല്ലപ്പെട്ടവരുടെ എണ്ണം 2454 ആയി

ഇസ്രായേല്‍ ആക്രമണത്തില്‍ ലബ്‌നാനില്‍ ഇതുവരെ കൊല്ലപ്പെട്ടവരുടെ എണ്ണം 2454 ആയി ഉയര്‍ന്നു. നിലവില്‍ 10 ദിവസത്തെ വെടിനിര്‍ത്തല്‍ പ്രഖ്യാപിച്ചതിന് ശേഷം കാര്യമായ ആക്രമണങ്ങള്‍ റിപോര്‍ട്ട് ചെയ്തിട്ടില്ല. മാര്‍ച്ച് രണ്ടിന് യുദ്ധം തുടങ്ങിയതിന് ശേഷം നടന്ന ഇസ്രായേല്‍ ആക്രമണങ്ങളില്‍ 7658 പേര്‍ക്ക് പരിക്കേറ്റതായും ലബ്‌നാന്‍ ദുരന്ത നിവാരണ അതോറിറ്റി പ്രസ്താവനയില്‍ അറിയിച്ചു.

കനത്ത ഇസ്രായേലി ആക്രമണത്തിന് വിധേയമായ പ്രദേശങ്ങളില്‍ നിന്ന് മൃതദേഹങ്ങള്‍ കണ്ടെത്തുന്നതിനും തിരിച്ചറിയുന്നതിനും ലെബനനിലെ അധികാരികളും രക്ഷാപ്രവര്‍ത്തകരും ശ്രമം തുടരുകയാണ്.