കണ്ണൂരില്‍ രണ്ടേകാല്‍ കിലോ കഞ്ചായുമായി യുവാവ് പിടിയില്‍

കണ്ണൂര്‍: ചാലോട് അഞ്ചരക്കണ്ടി റോഡില്‍ അഞ്ചരക്കണ്ടി മത്തിപ്പാറ ഭാഗത്ത് 2.250 കിലോ ഉണക്ക കഞ്ചാവുമായി യുവാവ് പിടിയിലായി. തലശ്ശേരി കൂടാളി ശുഭതാര നിവാസില്‍ പി താരാനാഥ് (32) ആണ് അറസ്റ്റിലായത്. കണ്ണൂര്‍ എക്‌സൈസ് റെയ്ഞ്ച് എക്‌സൈസ് ഇന്‍സ്‌പെക്ടര്‍ സിനു കൊയില്യത്തിന്റെ നേതൃത്വത്തില്‍ നടത്തിയ പരിശോധനയിലാണ് കഞ്ചാവ് പിടികൂടിയത്.

ആഴ്ചകളായി യുവാവ് എക്‌സൈസിന്റെ നിരീക്ഷണത്തിലായിരുന്നു. പ്രിവന്റീവ് ഓഫിസര്‍ എന്‍ വി പ്രവീണ്‍, സിവില്‍ എക്‌സൈസ് ഓഫിസര്‍മാരായ എന്‍ രജിത് കമാര്‍, എം സജിത്ത്, ടി അനീഷ്, എക്‌സൈസ് ഡ്രൈവര്‍ (സീനിയര്‍ ഗ്രേഡ്) അജിത് സി എന്നിവരുമുണ്ടായിരുന്നു.