മന്ത്രി റോഷി അഗസ്റ്റിന് നേരേ യൂത്ത് കോണ്‍ഗ്രസിന്റെ കരിങ്കൊടി പ്രതിഷേധം

പത്തനംതിട്ട: ജലവിഭവ മന്ത്രി റോഷി അഗസ്റ്റിന് നേരേ യൂത്ത് കോണ്‍ഗ്രസിന്റെ കരിങ്കൊടി പ്രതിഷേധം. തിരുവല്ല- മല്ലപ്പള്ളി റോഡില്‍ മടുക്കൂലി ജങ്ഷനിലാണ് യൂത്ത് കോണ്‍ഗ്രസ് കരിങ്കൊടി കാണിച്ചത്. പത്തനംതിട്ട ജില്ലാ പ്രസിഡന്റ് എം ജി കണ്ണന്റെ നേതൃത്വത്തിലെത്തിയ പ്രവര്‍ത്തകരാണ് മന്ത്രിയെ കരിങ്കൊടി കാട്ടിയത്.

മാരാമണ്‍ കണ്‍വന്‍ഷന്‍ ഉദ്ഘാടനം കഴിഞ്ഞ് ഇടുക്കിയിലേക്ക് മടങ്ങും വഴിയാണ് ഇരുപതോളം പ്രവര്‍ത്തകര്‍ ചേര്‍ന്ന് കരിങ്കൊടി കാണിച്ചും കാലിക്കുടം എറിഞ്ഞും പ്രതിഷേധിച്ചത്. വെള്ളക്കരം കൂട്ടിയതിനെതിരെയാണ് യൂത്ത് കോണ്‍ഗ്രസിന്റെ പ്രതിഷേധം. പ്രതിഷേധക്കാരെ പോലിസ് അറസ്റ്റ് ചെയ്ത് നീക്കി.