അയ്യപ്പ പണിക്കരുടെ സഹോദരിയും എഴുത്തുകാരിയുമായ എം ലക്ഷ്മിക്കുട്ടിയമ്മ അന്തരിച്ചു
തിരുവനന്തപുരം: അധ്യാപികയും എഴുത്തുകാരിയുമായ എം ലക്ഷ്മിക്കുട്ടിയമ്മ അന്തരിച്ചു. 87 വയസ്സായിരുന്നു. കവി അയ്യപ്പപണിക്കരുടെ ഇളയ സഹോദരിയാണ് ലക്ഷ്മിക്കുട്ടിയമ്മ. കന്യാകുമാരി ദേവസ്വത്തിന് കീഴിലുള്ള കന്യാകുമാരി ജില്ലയിലെ കുഴിത്തുറ ശ്രീ ദേവികുമാരി വിമന്സ് കോളജിലെ മലയാളം വിഭാഗം അധ്യാപികയായിരുന്നു ലക്ഷ്മിക്കുട്ടിയമ്മ. പിന്നീട് ഇതേ കോളജില് അവര് പ്രിന്സിപ്പലായി.
കുട്ടനാട്ടിലെ കാവലത്ത് ഇ നാരായണന് നമ്പൂതിരിയുടെയും എം മീനാക്ഷിയമ്മയുടെയും മകളായി 1934 സെപ്തംബര് 14ന് ജനനം. തിരുവനന്തപുരം വിമന്സ് കോളജില് നിന്നാണ് ബിരുദ പഠനം പൂര്ത്തിയാക്കിയത്. എറണാകുളം മഹാരാജാസ് കോളജ്, സെന്റ് ജോസഫ് ട്രെയിനിങ് കോളജ് എന്നിവടങ്ങളായി ഉപരി പഠനം പൂര്ത്തിയാക്കി. എറണാകുളത്ത് സ്കൂള് അധ്യാപികയായി ജോലി ചെയ്തു.
അയ്യപ്പപണിക്കരെ കുറിച്ചുള്ള 'നിറവേറിയ വാഗ്ദാനം; അയ്യപ്പപ്പണിക്കര് എന്റെ കൊച്ചേട്ടന്' എന്ന പുസ്തകം രചിച്ചിട്ടുണ്ട്. പരേതനായ കെബി നായര് ആണ് ഭര്ത്താവ്. മൂത്തമകന് ഡോ.ആനന്ദ് കാവാലത്തിനൊപ്പം തിരുവനന്തപുരത്തായിരുന്നു ലക്ഷ്മിക്കുട്ടി അമ്മയുടെ താമസം. ഇളയ മകന് ബി അമൃത് ലാല് ദില്ലിയില് മാധ്യമപ്രവര്ത്തകനാണ്. സംസ്ക്കാരം ഉച്ചതിരിഞ്ഞ് മൂന്നിന് തിരുവനന്തപുരം തൈക്കാട് ശാന്തി കവാടത്തില് നടക്കും.
RELATED STORIES
ബലാത്സംഗ പരാതിക്കാരിയെ തട്ടിക്കൊണ്ടുപോയി; ജെഡിഎസ് നേതാവ് എച്ച് ഡി...
4 May 2024 2:32 PM GMTതമിഴ്നാട്ടില് കോണ്ഗ്രസ് നേതാവിന്റെ മൃതദേഹം കത്തിക്കരിഞ്ഞ നിലയില്
4 May 2024 2:17 PM GMTനിജ്ജാറിന്റെ കൊലപാതകം; മൂന്ന് ഇന്ത്യന് പൗരന്മാര് അറസ്റ്റില്
4 May 2024 6:26 AM GMTപ്രജ്വലിനെതിരെ ഗുരുതര ആരോപണങ്ങളുമായി ജെഡിഎസ് പ്രാദേശിക നേതാവിന്റെ...
4 May 2024 6:14 AM GMTനവജാത ശിശുവിന്റെ കൊലപാതകം; ആണ് സുഹൃത്തിന് അറിയാമായിരുന്നുവെന്ന്...
4 May 2024 6:06 AM GMTതാനൂര് കസ്റ്റഡികൊലപാതകം; പ്രതികളായ പോലിസ് ഉദ്യോഗസ്ഥര് അറസ്റ്റില്
4 May 2024 5:50 AM GMT