കശ്മീരില്‍ ഇന്ത്യന്‍ ഹെലികോപ്ടര്‍ തകര്‍ന്നു വീണതില്‍ പങ്കില്ല: പാകിസ്താന്‍

ഇസ്‌ലാമാബാദ്: കശ്മീരിലെ ബദ്ഗാമില്‍ രണ്ടു സൈനികരുടെ മരണത്തിനിടയാക്കിയ ഹെലിക്കോപ്റ്റര്‍ അപകടത്തില്‍ പാകിസ്താന് പങ്കില്ലെന്ന് പാക് മേജര്‍ ജനറല്‍ ആസിഫ് ഗഫൂര്‍.നിലവിലെ സാഹചര്യങ്ങള്‍ വഷളാക്കുന്ന രീതിയിലുള്ള സമീപനം പാകിസ്താന്‍ സ്വീകരിക്കില്ലെന്നും അദ്ദേഹം വ്യക്തമാക്കിയതായി എഎന്‍ഐ റിപോര്‍ട്ട് ചെയ്തു. തങ്ങളുടെ പക്കല്‍ ആയുധങ്ങള്‍ ഉണ്ട് പക്ഷേ അവ തങ്ങളുടെ സ്വരക്ഷയ്ക്ക് വേണ്ടിയുള്ളതാണെന്നും പാക് വക്താവ് പറഞ്ഞു.വ്യോമാതിര്‍ത്തി ലംഘിച്ച ഇന്ത്യന്‍ വിമാനങ്ങള്‍ വെടിവച്ചിട്ടെന്ന് വിശദമാക്കിയ വക്താവ് ആക്രമിച്ചത് തങ്ങള്‍ സജ്ജമാണെന്ന് കാണിക്കാനാണെന്നും പാക് വക്താവ് മാധ്യമങ്ങളോട് വ്യക്തമാക്കി. ഇന്ന് രാവിലെയാണ് കശ്മീരില്‍ സേനാ ഹെലികോപ്ടര്‍ തകര്‍ന്നുവീണത്. അപകടത്തില്‍ രണ്ട് പൈലറ്റുമാര്‍ മരിച്ചിരുന്നു.

DG ISPR, Pakistan, Maj Gen Asif Ghafoor: There are reports of crash of an Indian aircraft on the Indian side (in Budgam), we had no engagement with that aircraft. pic.twitter.com/pWDYwVfoFR

— ANI (@ANI) February 27, 2019