വഖഫ് നിയമനം: പ്രതിപക്ഷം നിയമസഭയില് പറഞ്ഞത് മുഖ്യമന്ത്രി ശരിവെച്ചു; ബോധോദയമുണ്ടായത് നല്ല കാര്യമെന്നും വിഡി സതീശന്
ഹിന്ദുക്കള് അല്ലാത്തവരെ ദേവസ്വം ബോര്ഡില് നിയമിക്കേണ്ടി വരുന്ന സാഹചര്യം ഒഴിവാക്കാനാണ് ദേവസ്വം റിക്രൂട്ട്മെന്റ് ബോര്ഡുണ്ടാക്കിയത്. അതുപോലെ വഖഫ് ബോര്ഡ് നിയമനങ്ങളും റിക്രൂട്ട്മെന്റ് ബോര്ഡ് വഴിയാക്കണമെന്നാണ് യുഡിഎഫ് ആവശ്യപ്പെട്ടത്.
തിരുവനന്തപുരം: വഖഫ് ബോര്ഡ് നിയമനങ്ങള് റിക്രൂട്ട്മെന്റ് ബോര്ഡുണ്ടാക്കി സുതാര്യമാക്കണമെന്നാണ് യുഡിഎഫ് നിയമസഭയില് ആവശ്യപ്പെട്ടതെന്ന് പ്രതിപക്ഷ നേതാവ് വിഡി സതീശന്. അന്നത് മനസിലാക്കാതിരുന്ന മുഖ്യമന്ത്രിക്കും മന്ത്രിമാര്ക്കും ഇപ്പോഴെങ്കിലും ബോധോദയമുണ്ടായത് നല്ല കാര്യം. വീണ്ടും ചര്ച്ച നടത്താമെന്നതും സ്വാഗതാര്ഹമാണ്. നിയമസഭയില് വിശദമായ ചര്ച്ച നടന്നപ്പോള് സമസ്ത നേതാക്കള് ഉള്പ്പെടെ ഉന്നയിച്ച കാര്യങ്ങള് പ്രതിപക്ഷം ചൂണ്ടിക്കാട്ടിയതാണ്. എന്നാല് അതൊന്നും പരിഗണിക്കാതെ നടപ്പാക്കുമെന്ന പിടിവാശിയിലായിരുന്നു സര്ക്കാര്. കേന്ദ്ര സര്ക്കാര് കാര്ഷിക ബില് പിന്വലിച്ചതു പോലെ വഖഫ് നിയമന ബില്ലും നിയമസഭ ചേര്ന്ന് പിന്വലിക്കേണ്ടി വരുമെന്നും അദ്ദേഹം മാധ്യമങ്ങളോട് പറഞ്ഞു.
ലീഗിനു മീതെ വര്ഗീയത അടിച്ചേല്പ്പിക്കാനാണ് സിപിഎം ഇപ്പോള് ശ്രമിക്കുന്നത്. ഈ വിഷയത്തില് എന്ത് വര്ഗീയതയാണുള്ളതെന്ന് മുഖ്യമന്ത്രിയും സിപിഎമ്മും വ്യക്തമാക്കണം. ഏതെങ്കിലും മതവിഭാഗങ്ങളില്പ്പെട്ടവര്ക്കു വേണ്ടി മാത്രം പിഎസ്സി വിജ്ഞാപനം ഇറക്കുന്നത് നിയമവിരുദ്ധവും അധാര്മ്മികവുമാണ്. ഹിന്ദുക്കള് അല്ലാത്തവരെ ദേവസ്വം ബോര്ഡില് നിയമിക്കേണ്ടി വരുന്ന സാഹചര്യം ഒഴിവാക്കാനാണ് ദേവസ്വം റിക്രൂട്ട്മെന്റ് ബോര്ഡുണ്ടാക്കിയത്. അതുപോലെ വഖഫ് ബോര്ഡ് നിയമനങ്ങളും റിക്രൂട്ട്മെന്റ് ബോര്ഡ് വഴിയാക്കണമെന്നാണ് യു.ഡി.എഫ് ആവശ്യപ്പെട്ടത്.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT